লখিপুরওনলাইন ডিজিতেল ডেস্কঃ হৌখিবা নভেম্বরগী তাং ১, ২০২৪ নোংমাইজিং নুমিত্তা পাঙথোকখিবা মনিপুরী লিটরেরী এসোসিয়েসন (মালা) জিরিবামগী ৪সুবা ফাউন্দেসন দে গী থৌরমদা শিলচরগী অইবা আই এস থীংগোম, সাহিত্য ভূষণ দা অহানবা “শামুয়াইমা ৱাইখোম লিটরেরী এৱার্দ” পীদুনা ইকায় খুম্নখ্রে। অইবগী “ঐসু ভিক্ষা হাপ্লগে” হায়রিবা ৱারীমচাগী লাইরিক অসিদা পীরিবা মনা অসিদা শেল ওইনা লুপা লিশিং ৫, সাইটেসন অমসুং লেঙয়ান য়াওরি।
থৌরম অসিগী মীথুংলেন ওইখিবা মালাগী এদভাইজর ইঙুদম বিনোদ মনা অসি খুৎশিন্নবদা ৱাইখোম শামুয়াইমাগী মচানুপা অমুচৌ ৱাইখোমসু শরুক য়াখি। পনবা য়াই “শামুয়াইমা ৱাইখোম লিটরেরী এৱার্দ” মনা অসি ইম্ফাল শীংজমৈদা চাওজবা ঈশৈ দ্রামাদা থৱাই য়াওজবা অমসুং মণিপুর পুলিসতা থবক তৌরম্বা লৈখিদ্রবা শামুয়াইমা ৱাইখোমগী মীংদা কৎপা মনানি।