লখিপুরওনলাইন নিউজ দেস্কঃ আসাম কেবিনেত মীফমনা ঙরাং তোঙান তোঙানবা ৱারেপ কয়ামরুম লৌখ্রে। সিএম হিমন্ত বিশ্ব শর্মানা ময়ায় তাংবল লৌদুনা পাঙথোকখিবা মীফমদা লৌখিবা ৱারেপশিংগী মনুংদা লুপা ক্রোর ৯৫৮ কায়থোকতুনা রাজ্য অসিগী লম্বী ১১৪ অমসুং থোং ৬ শাবা। লোয়ননা অতৈ লম্বী সেমগৎপগী দমক লুপা ক্রোর ১০৩১ কায়থোক্লগনি হায়রি। আসামগী নৌনা শেম্বা তামুলপুর জিলাদা লুপা ক্রোর ৪৫০ চংনা মেদিকেল কোলেজ হোসপিতাল অমা শারগনি। দিলিমিতেসন তৌরবা মতুংদা কাছার জিলাগী শিলচর মিউনিসিপালিতিবু মিউনিসিপাল কোর্পোরেসন ওইনা মীখল পাঙথোক্নবা হায়খ্রে। এয়ারপোর্ত ওথোরিতি অফ ইন্দিয়ানা জোরহাত এয়ারপোর্ত হেন্না পাকথোক চাওথোকহল্লগনি। আসাম রাজ্যগী স্তেত এমব্লেম অমা শেম্নবা মন্ত্রী দাঃ রনোজ পেগু অমসুং শ্রী কেসব মহন্তনা লুচীংবা কেবিনেত কমিতি অমা শেমখ্রে। পেনেল অসিনা রাজ্য অসিগী স্তেত এমব্লেম অমা মপুঙ ফানা শেমলগনি। অদুগা প্রাইম মিনিস্তর গতি শক্তীগী থৌরাংশিং অদুবু য়েংশিন্নবা অৱাংবা থাক্কী তাস্ক ফোর্স অমা শেম্বগী ৱারেপসু লৌখি। https://youtu.be/GTHLErEpwuI