লখিপুরওনলাইন ডিজিতেল ডেস্কঃ উত্রা সংলেন সনা কোনুং ইম্ফালদা লাংফম কনবা থৌনি পাংথোকখ্রে হায়না পব্লিসিতি সেক্রেটরী ৱাংখৈরাকপাগী চেরোল অমদা ফোঙদোরকলি। ৱাকচীংগী ১১ নি পানবা জনুৱারীগী চেচৎ ১০ ঙসি অয়ুক লাইনিংথৌ নোংশাবা, ইবুধৌ পাখংবা, য়ুমজাও লাইরেম্বদা থৌনিজদুনা মীওই মপোক খুদিংমককী পুন্সী চেংজেল মতোন লোমদ্রিবা ফাওবগী মতমদা লৈরিবা লাংফম অহুম লাংফম অতেকপা, লাংফম অপাইবা অমদি লাংফমলেন অসিদগী থৈবীনবা থৌনিজবনি। নোংদমবা কৌবা লাইদা লাংফম অহুমসিদা পুন্সি নোংমহনবিগনু, পুন্সি খোইরেল নোংমতা ৱাৎহনবীগনু, পুন্সি চরৈ কুইনা নথৌ খনবা ঙমজগে হায়না থৌনিজবনি হায়রি। লাইথৌ থৌরম অসি নমু পোং তাইবঙ মী খৈবিককী লৈবাক নিংথৌগী, অঙম অথৌ, অমাইবা, অমাইবী, পেনা অশৈবা অমদি লোইশঙ পুম্বা শরুক য়ারগা থৌনিজখিবনি হায়না পাউ অসিনা মখা তারকলি।