ওজা সাপম বল্লভনা লৈখিদবদা অৱাবা ফোংদোকখ্রে।

ওজা সাপম বল্লভনা লৈখিদবদা দি মণিপুরী লিটারেরী ফোরাম আসামনা অৱাবা ফোংদোকখ্রে। জনুৱারীগী তাং ৭, ২০২০ লৈবাকপোকপা নুমিত্তা বাঁশকান্দি জুনিয়র কোলেজতা ফমখিবা ফোরামগী প্রেসিডেন্ট য়ুম্নাম নদিয়াচান্দনা মীফম মপু ওইদুনা অৱাবা ফোংদোকপগী মীফম অমা পাঙথোকখি। শ্রী সাপম বল্লভ ১৯৪৪ইং দা পালারবন্দা  পোকখি। মহাক ২০০২ ইংদা কোরোইকান্দি হাইস্কুলদগী হেডমাস্তার ওইনা থবক্তগী পোত্থাখি। মণিপুরী লিটারেরী ফোরাম আসাম অমসুং আসাম মণিপুরী সাহিত্য পরিষদ বাঁশকান্দি মছাগী প্রেসিদেন্ট ওইরম্মী। মহাকনা ইরম্বা উপন্যাস “পন্থুং” অমসুং ৱারীমচা “শকখঙদ্রবী ইচেমদো” শীংথাবা য়াই। মীফম অদুদা ক্ষেত্রীময়ুম নবীন, ৱাহেংবম হরিমোহন, কোন্থৌজম মাঙ্গোনজাও, নাওরেম মনিন্দ্র, আহমেদ চৌধুরী, চোংথাম গৌরসিং, থোকচোম ইবোতোম্বী, হুইরেম ইবুংহল, হুইরেম বাবাতন, য়ুম্নাম নদিয়াচান্দ নচিংবা মীওইশিংনা লৈখিদ্রবনা হিংলিঙৈদা তৌরম্বা থবক থৌরমশিংগী মতাংদা ৱা ঙাংখি। থৌরমগী অরোইবদা লৈখিদ্রবগী থৱায়না লাইরমলেন্দা ইংনা চীক্না লৈরুনবা মিনিত অমা তুমিন্না লৈদুনা তাইবঙ মপুগী মফমদা থৌনিজখি। পনবা য়াই, শ্রী সাপম বল্লভ হৌখিবা ২০১৯ ইংগী দিসেম্বরগী তাং ৩০ দা মশাগী ময়ুম পালারবন্দদা তাইবঙ থাদোকখি। লৈখিদবা মতমদা মশাগী চহি ৭৯ শুখি।
———————————————————–
Get latest News Updates Please Download our Android app CLICK HERE
To Subscribe our YouTube Channel CLICK HERE
————————————————————