ঙসি জুলাইগী তাং ২৭ পূর্ণিমা নুমিত্তা চহী-চা (২০০১-২১০০) অসিগী খ্বাইদগী শাংনা পুং ১ গা মিনিট ৪৩ (পুন্না মিনিত ১০৩) চুপ্না চন্দ্রগ্রহন ওইরগনি। ভারতকী মিনিস্ট্রি অফ আর্থ সাইন্সেসকী মতুং ইন্না গ্রহন অসি ভারতকী মফম পুম্নমক্তগী উবা ফংগনি হায়রি। ভারতকী মতমদা জুলাই ২৭গী নুমিদাং পুং ১১ মিঃ ৫৪ সেঃ ২৬ তগী পার্সিয়েল ইক্লিপস্ হৌগনি। তপ্না তপ্না থাবু পৃথিবীনা খুমজিনখিবগা লোয়ননা নোংয়াই মতুং পুং ১ হায়বদি জুলাই ২৮গী ১ এ.এম. দগী মপুং ফাবা চন্দ্রগ্রহন ওইগনি। অদুগা থাবু পৃথিবীনা লুমশিল্লম্বদগী তপ্না তপ্না থোরকপগা লোয়ননা নোংঙাল্লমদাই পুং ৩ মিঃ৪৯দা গ্রহন লোইগনি। মতম অসিদা লূপা মচুগী থা অসি তপ্না তপ্না ঈ-মচু হায়রপ চঙবা শক্তম মীয়ামনা উবা ফংখি। মসিবু ইংরাজিদা ব্লাদ মুন হায়রগসু খঙনরি। থাগী খোংচৎকী লম্বীদগী পৃথিবীদগী খ্বাইদগী লাপ্না লৈবা থৌদোক ওইগদৌরি।
য়াম্না তাঙনা থোকপা মওংগী মপুঙ ফাবা থাগী গ্রহন লৈবাক শিনবা থুংনা উবা ফংখি।
মঙালগী মচু তরেৎকী মনুংদা খামেন মচু অমসুং হিগোক মচুনা খ্বাইদগী হেন্না অদুগা
অঙাংবা অমসুং কমলা মচুনা খ্বাইদগী লিক্না চাইথোকপা থেংনৈ। হায়রিবা অঙাংবা অমসুং
কমলা মচু অসি পৃথিবীগী নুংশিৎকী কুয়োমদগী থক্তোরক্লগা থাগী লৈমায়দা তাবা উবা
ফংগনি। থৌওং মসিনা থাবু পৃথিবীদগী য়েংবদা ঈ মচু হায়রপ চঙনা উহল্লি।
Lakhipuronline android app install toubiyu CLICK HERE