লখিপুরওনলাইন ডিজিতেল ডেস্কঃ ইউএসকী ৪৭সুবা প্রেসিদেন্ট মীখলদা রিপাব্লিকান পার্তিগী মীরেপ ওইখিবা দোনাল্দ ত্রাম্পনা ইলেক্টোরেল ভোত ২৯২ ফংদুনা মায়পাকলে। দোনাল্দ ত্রাম্পকা অকনবা লম্বা ওইখিবা দেমোক্রেটিক পার্তিগী মীরেপ কমলা হেরিস না ইলেক্টোরেত ভোত ২২৪ ফংখি। দোনাল্দ ত্রাম্পনা মহাক্না প্রেসিদেন্ত মীখলদা মায়পাক্লবা মতুংদা ৱা ঙাংলদুনা মহাক্না হায় ইউএসতা পোকপা অঙাং অমা ইউএস সিতিজেন ওইবগী দমক মমা নত্রগা মপা ইউএসকী সিতেজেন ওইবা তায় হায়খি। মসিনা করিগুম্বা লো ওইরক্লবদি ভারত মচা কয়া পার্মানেন্ত ইউএস সিতিজেন ওইবগী গ্রীন কার্দ ফংবগী ঙাইনরিবসিং মকোকতা মখুৎ হাপকদৌরি। মসাগী চহী ৭৮সুরবা দোনাল্দ ত্রাম্প মথং চহীগী জনুৱারীগী ২০ দা ইউএসকী ৪৭সুবা প্রেসিদেন্ট ওইনা ৱাশক লৌরগনি।