লখিপুর, ২৭ আগস্ট ২০২০ঃ মনিপুরী য়ুথস্ ফ্রোন্ত অফ আসাম মায়ফানা চৎথরকলিবা লোনগী ওইবা খোঙজংগী মখা চৎথরকপা ওইনা ঙরাং লখিপুরগী মনুং চনবদা লৈবা মফমশিংদা ৬৪ শুবা অমসুং ৬৫ শুবা এৱেরনেস কেম্পেইন পাঙথোকখ্রে। লখিপুর কন্সটিটিয়েন্সিনা কোনবা আশ্রালৌবুকতা নিঙোম্বম রাজকুমার, লাইশ্রম নীলমনি, ঙাথেম কুঞ্জবতি, ইমা সনাথোই দেবী, মায়ফাগী প্রেসিদেন্ট সেরাম হেরাজিৎ না দাইজতা ফমখি। কোন্থৌজম বিজয়না ৱাহৌদোক পীরদুনা মায়ফানা চঙশিল্লিবা মনিপুরী ইমালোনগী খোঙজং অসি ঐখোয় পুন্না মপুঙ ফানা শৌগৎমিন্নসি হায়খি। মায়ফানা চঙশিল্লিবা খোঙজং খুদিংমকতা আশ্রালৌবুককী খুঞ্জাশিংনসু থৱায় হকচাং য়াওনা শৌগৎকনি হায়না প্রেসিমেন্ট ওইরিবা লাইশ্রম নীলমনিনা ফোঙদোকখি। ( পাউ অসি ইউতিউবতা য়েংবিউ )
মায়ফাগী ৬৫ শুবা কেম্পেইনদা পুথিখালদা হোদাম বিজয় না মীফম মপু অমদি ইমা সনাথোই দেবী, মায়ফাগী প্রেসিদেন্ট সেরাম হেরাজিৎ নচিংবা মীওইশিংনা প্রেসিদিয়াম মেম্বর ওইখি। মায়ফা লখিপুর ব্রাঞ্চকী প্রেসিদেন্ট পাউনম গীতচন্দ্রনা ৱাহৌদোক পীরদুনা মনিপুরী ইমালোনগী লৈরিবা স্কুলশিংদা ঐখোয়না মহৈরোই মশিং য়াম্না তমহন্নবা হোৎনমিন্নসি নত্রবদি ঐখোয় ইশানা ইশাগী খোঙদা য়ানশিনজবগুম থোক্লগনি হায়রদুনা ঐখোয় পুন্না ইমালোনবু কন্নবা হোৎনমিন্নসি হায়খি। মায়ফাগী প্রেসিদেন্ট সেরাম হেরাজিৎনা ধর্ম মান্নদ্রবসু লোল মান্নবা মীতৈ পাঙল ইচিল ইনাওশিংনসু খোঙজং অসিবু থমোয় শেংনা শৌগৎপীরকপা অমদি স্তেট অসিগী লুপ কয়ামরুমনসু থৱায় য়াওনা শৌগৎপীরকপবু থাগৎপা ফোঙদোরকখি। হোদাম বিজয়না আসামদা ঐখোয়সি মীশিং লিকচরবসু মতাং অসিদা ঐখোয়গী অপুনবগী থৌনা উৎপগী মতম ওইরে হায়খি। থৌরমদা মশক নাইবা মীওই কয়ানসু মাগী মাগী মরুওইবা ৱাফম কয়া ফোঙদোক্নখি। ( পাউ অসি ইউতিউবতা য়েংবিউ )
কাপ্তানপুর ইচা খোমদ্রাম লৈকায়দা খুনগী মৈরা পায়বী অমসুং খুঞ্জাশিংনা পুল্লগা ঙরাং নুমিদাং আসামদা ইমালোনগী ওইরক্লিবা শক্তম অমসুং লমদম অসিগী শেমজিনবিদনা লৈরবা লম্বীগী মতাংদা পেন্দবা ফোঙদোক্লদুনা মৈরাগী খোঙচৎ অমা চৎখি। ( পাউ অসি ইউতিউবতা য়েংবিউ )
কাপ্তানপুর ইচা খোমদ্রাম লৈকায়দা খুনগী মৈরা পায়বী অমসুং খুঞ্জাশিংনা পুল্লগা ঙরাং নুমিদাং আসামদা ইমালোনগী ওইরক্লিবা শক্তম অমসুং লমদম অসিগী শেমজিনবিদনা লৈরবা লম্বীগী মতাংদা পেন্দবা ফোঙদোক্লদুনা মৈরাগী খোঙচৎ অমা চৎখি। ( পাউ অসি ইউতিউবতা য়েংবিউ )