হন্দক্কী বিধান সভাগী মীখলদা লম্বা তৌনগদৌরিবা মাগী মাগী পার্টিশিংগী মীরেপশিং মফি শেম্বা হৌনরে। মফম মফমদা রাজনীতিগী লানবন শেম্বসু হৌনখ্রে। লক্ষীপুর কন্সটিটুয়েন্সিগী ওইনা হন্দক ওইগদৌরিবা ফিভম অসি মাংজৌৱা হায়বা লূনা থোক্তবা নত্তে। হন্দকতি কংগ্রেস, বিজেপি, এজিপিতা নত্তনা হন্দক এ ইউ দি এফ অমসুং তৃণমুল কংগ্রেসকী মীরেপসু চোংথোরকলি। কংগ্রেস নত্তবা অতৈ রাজনীতি দলশিংগী ৱাখলদি নোংশা হনুবগুম লেঙদনা লৈরিবা রাজ্যগী আরবান দেভেলপমেন্ট অমসুং হাউজিং মন্ত্রীসু ওইরিবা লোকেল এম এল এ, শ্রী দীনেশ প্রসাদ গোৱালাবু মীখলদা মায়থিবা পীবা হায়বসিনি।
অসোমদা কংগ্রেসপু মায়থিবা পীনবা চোংথোক্নরক্লিবা মীরেপশিংদি বিজেপীগী শ্রীমতি রীনা দেবী, এজিপিগী শ্রী দ্বিজমনি সিংহ, এ আই ইউ দি এফকী মহম্মদ চাউবা মীয়া, ট্রিনামুল কংগ্রেসকী মহম্মদ মসরাফ আলি চৌধুরীনি।
খ্বাইদগী নুঙাইরিবদি হন্দক্কী বিধানসভাগী মীখলদা কংগ্রেসকী টিকেট ফংগনি হায়না য়াম্না আশা চাওরম্বা দীনেশকী মরূ ফুক্তৎলগে হায়না হন্দক নৌনা চোঙথোরকলিবা সঞ্জয় অদিত্য সিং হায়রিবা মীওই অসিনি। মহাক অসি লক্ষীপুরদগী হৌখিবনি হায়রবসু মহাকপু লৈকায়গী মীয়ামনা মশক খঙনদ্রি হায়বা য়াই। অমবু ওইরবসু অমবু ওইরবসু হন্দক সঞ্জয় ইন্দিপেন্দেন্ট মীরেপ ওইনা লেপ্তুনা মাগী মতীক খঙহনগনি হায়রি। ইন্দিপেন্দেন্ট মীরেপ ওইরিবা অতৈ মীরেপশিংদি নাজিম উদ্দিন লস্কর অমসুং নজমুল হক লস্করনি।
হন্দক লক্ষীপুর কন্সটিটু্য়েন্সিগী ওইনা মীরেপ ওইরিবশিংগী মনুংদা বিজেপীগী শ্রীমতি রীনা দেবী, এজিপিগী শ্রী দ্বিজমনি সিংহ, এ আই ইউ দি এফকী মহম্মদ চাউবা মীয়া মনিপুরী মীরেপশিংনি। রীনা দেবীগী ওইনদি হন্দক্কী অসিনা মীখলদা মহাক্কী অহুমশুবা লানফমনি। ২০০১ইংগী মীখলদা রীনা দেবীগী ভোত মশিং ২৬,৮১৫ ওইখি অদুগা দীনেশকী ভোত মশিংনা ৩৬,৫৭০ ওইখি। ২০০৬ ইংগী মীখলদা রীনা দেবীনা ভোত মশিং ২২,৩৮৫ ওইখি অদুগা দীনেশকী ভোত মশিংনা ৫৩,০৫২ ওইখি। অসোমদা হৌখিবা মীখলদা এ জি পীগী মীরেপ ওইনা চোংথোকখিবা মৈতৈ পাঙল মহম্মদ চাউবা মীয়াগী ওইনদি মহাক্কী অনিশুবা লানফমনি।
শ্রী মেরা চাউবা সিংহ অমসুং শ্রী শুভঙ্কর সিংহগী মতুংদা অতৈ মনিপুরী মচা অমত্তনা মৈতৈনা পুঙনা তারিবা মফমসিদা ঙসি ফাওবদা এম এল এ ওইবা ঙমদ্রি। ঐখোয় মশেলগী মরক্তা খায়বুঙ খায়বুঙ তানবগী ফিভমসিনা মায়থিবগী মরুওইবা মরমনি হায়বদা হায়মনবা থোকলোয়।
পনবা য়াই, ইংশোক ১৯৮১ দগী ঙসি ফাওবা থেংখাঙ তরুক্লক শ্রী দীনেশ প্রসাদ গোৱালানা লক্ষীপুরগী এম এল এ ওইনা মীয়ামগী পুক্নিং জয় তৌদুনা লাকলি। অসোমদা লক্ষীপুরদা বিধানসভাগী মীখল অহানবা পাঙথোকপা ইংশোক ১৯৫২ দগী ১৯৬৪ ফাওবা রামপ্রসাদ চৌবে না লক্ষীপুরগী এম এল এ ওইদুনা লাকখি। অদুগা ইংশোক ১৯৬৪ দগী ১৯৭২ ফাওবা শ্রী মেরা চাউবা সিংহনা লক্ষীপুরগী এম এল এ ওইনা মীয়ামগী সেবা তৌদুনা লাকখি। ইংশোক ১৯৭২ দগী ১৯৭৭ ফাওবা শ্রী শুভঙ্কর সিংহনা অমুক এম এল এ ওইনা লক্ষীপুর মীয়ামগী সেবা তৌবা অনিশুবা মৈতৈ মচা ওইখি। ইংশোক ১৯৭৮দগী ১৯৮১ ফাওবা কাজি কুতুব উদ্দিন আহমেদনা এম এল এ ওইবা মতুংদগীদি ঙসি ফাওবা শাংলবা চহী ৩০ রোম অসি শ্রী দীনেশ প্রসাদ গোৱালানা এম এল এ ওইনা লৈরকলি।
মথং চহী মঙা অমগা মহাক্না অদুম্মক ফম অসি কোন্দুনা লৈগদ্রা হায়বদুদি মতম্না তাকলবা হায়বদুনি। (লোংজম দোরেন্দ্র)
অসোমদা কংগ্রেসপু মায়থিবা পীনবা চোংথোক্নরক্লিবা মীরেপশিংদি বিজেপীগী শ্রীমতি রীনা দেবী, এজিপিগী শ্রী দ্বিজমনি সিংহ, এ আই ইউ দি এফকী মহম্মদ চাউবা মীয়া, ট্রিনামুল কংগ্রেসকী মহম্মদ মসরাফ আলি চৌধুরীনি।
খ্বাইদগী নুঙাইরিবদি হন্দক্কী বিধানসভাগী মীখলদা কংগ্রেসকী টিকেট ফংগনি হায়না য়াম্না আশা চাওরম্বা দীনেশকী মরূ ফুক্তৎলগে হায়না হন্দক নৌনা চোঙথোরকলিবা সঞ্জয় অদিত্য সিং হায়রিবা মীওই অসিনি। মহাক অসি লক্ষীপুরদগী হৌখিবনি হায়রবসু মহাকপু লৈকায়গী মীয়ামনা মশক খঙনদ্রি হায়বা য়াই। অমবু ওইরবসু অমবু ওইরবসু হন্দক সঞ্জয় ইন্দিপেন্দেন্ট মীরেপ ওইনা লেপ্তুনা মাগী মতীক খঙহনগনি হায়রি। ইন্দিপেন্দেন্ট মীরেপ ওইরিবা অতৈ মীরেপশিংদি নাজিম উদ্দিন লস্কর অমসুং নজমুল হক লস্করনি।
হন্দক লক্ষীপুর কন্সটিটু্য়েন্সিগী ওইনা মীরেপ ওইরিবশিংগী মনুংদা বিজেপীগী শ্রীমতি রীনা দেবী, এজিপিগী শ্রী দ্বিজমনি সিংহ, এ আই ইউ দি এফকী মহম্মদ চাউবা মীয়া মনিপুরী মীরেপশিংনি। রীনা দেবীগী ওইনদি হন্দক্কী অসিনা মীখলদা মহাক্কী অহুমশুবা লানফমনি। ২০০১ইংগী মীখলদা রীনা দেবীগী ভোত মশিং ২৬,৮১৫ ওইখি অদুগা দীনেশকী ভোত মশিংনা ৩৬,৫৭০ ওইখি। ২০০৬ ইংগী মীখলদা রীনা দেবীনা ভোত মশিং ২২,৩৮৫ ওইখি অদুগা দীনেশকী ভোত মশিংনা ৫৩,০৫২ ওইখি। অসোমদা হৌখিবা মীখলদা এ জি পীগী মীরেপ ওইনা চোংথোকখিবা মৈতৈ পাঙল মহম্মদ চাউবা মীয়াগী ওইনদি মহাক্কী অনিশুবা লানফমনি।
শ্রী মেরা চাউবা সিংহ অমসুং শ্রী শুভঙ্কর সিংহগী মতুংদা অতৈ মনিপুরী মচা অমত্তনা মৈতৈনা পুঙনা তারিবা মফমসিদা ঙসি ফাওবদা এম এল এ ওইবা ঙমদ্রি। ঐখোয় মশেলগী মরক্তা খায়বুঙ খায়বুঙ তানবগী ফিভমসিনা মায়থিবগী মরুওইবা মরমনি হায়বদা হায়মনবা থোকলোয়।
পনবা য়াই, ইংশোক ১৯৮১ দগী ঙসি ফাওবা থেংখাঙ তরুক্লক শ্রী দীনেশ প্রসাদ গোৱালানা লক্ষীপুরগী এম এল এ ওইনা মীয়ামগী পুক্নিং জয় তৌদুনা লাকলি। অসোমদা লক্ষীপুরদা বিধানসভাগী মীখল অহানবা পাঙথোকপা ইংশোক ১৯৫২ দগী ১৯৬৪ ফাওবা রামপ্রসাদ চৌবে না লক্ষীপুরগী এম এল এ ওইদুনা লাকখি। অদুগা ইংশোক ১৯৬৪ দগী ১৯৭২ ফাওবা শ্রী মেরা চাউবা সিংহনা লক্ষীপুরগী এম এল এ ওইনা মীয়ামগী সেবা তৌদুনা লাকখি। ইংশোক ১৯৭২ দগী ১৯৭৭ ফাওবা শ্রী শুভঙ্কর সিংহনা অমুক এম এল এ ওইনা লক্ষীপুর মীয়ামগী সেবা তৌবা অনিশুবা মৈতৈ মচা ওইখি। ইংশোক ১৯৭৮দগী ১৯৮১ ফাওবা কাজি কুতুব উদ্দিন আহমেদনা এম এল এ ওইবা মতুংদগীদি ঙসি ফাওবা শাংলবা চহী ৩০ রোম অসি শ্রী দীনেশ প্রসাদ গোৱালানা এম এল এ ওইনা লৈরকলি।
মথং চহী মঙা অমগা মহাক্না অদুম্মক ফম অসি কোন্দুনা লৈগদ্রা হায়বদুদি মতম্না তাকলবা হায়বদুনি। (লোংজম দোরেন্দ্র)