 |
| মাইপাক্লবা ভারতকী সেপাকতক্রৌ তীম (ফোতো কার্টেসিঃসাই টুইটর) |
ইন্দোনেসিয়াদা চৎথরিবা ১৮শুবা এসিয়ান গেমস্ তা ঙসি (আগষ্টকী ২১) হুম্নি চনবা নুমিৎতা ভারতনা সেপাকতক্রৌদা শেঞ্জেংগী তকমান অমা ফংলে। এসিয়ান গেমসতা ভারতনা সেপাকতক্রৌদা তকমান ফংলকপা হন্দক্কী অসিনা ইহান হানবনি। হেন্না নুঙাইরিবদি নুপাগী সেপাকতক্রৌ তীম অসিদা য়াওরিবা শান্নরোইশিং অসি অয়াম্বনা মনিপুরী শান্নরোই ঙাক্তনি। ঙসি শান্নখিবা তীম রেগু অসিদা য়াওখিবা শান্নরোইশিং অদুদি খাঙেম্বম নিকেন, সন্দিপ কুমার, সোরোকখাইবম মালেমঙানবা, থোকচোম সৈত্যরাম, ৱাহেংবম হেনরী, ৱাইখোম সনজেক, য়ুম্নাম আকাশ, হরিস কুমার, ললিত কুমার, ঙাথেম জোতিন, ধীরাজ অমসুং গুরুময়ুম জিতেশ্বর শর্মা নি। পালেম্বাংগী রনাউ স্পোর্টস হোলদা শান্নখিবা ঙসিগী সেমিফাইনেল মেচ অমদা থাইলেন্দনা ভারতবু পাঞ্জল ২ – ০ দা থোইখি। সেমিফাইনেলদা মাইথিহৌবা তীম অনিমকতা মেদেল পীবগা লোয়ননা ভারতসু সেঞ্জেংগী তকমান ফংলগনি। মসিগী মমাংদা ভারতনা ইরানবু ২১-১৬, ১৯-২১ অমসুং ২১-১৭ তা ঙমদুনা পাঞ্ল ২ – ১ দা মাইথিবা পীরমখি।
Pao sing asi ga loinana atei e-pao gi damak