লখিপুরওনলাইন দিজিতেল দেক্স: কাছার জিলাদা মশাগী চহী ১৫ দগী ১৮ ফাওবগী নুপামচা নুপীমচাশিংদা কোভিদ ভেক্সিন কাপ্পা ঙরাংদগী হৌখ্রে। শিলচরগী নরসিং হায়ার সেকেন্ডারি স্কুলদা অয়ুক পুং ১১ তাবদা এমপি শ্রী রাজদীপ রায়না ভেক্সিন কাপ্পগী থৌরম অদু হৌদোকখি। এমপি দাঃ রাজদীপ রায় মশামক্না মহৈরোয় তরারোমদা ভেক্সিন কাপ্পগা লোয়ননা থৌরম অদু হৌদোকখি। মশাগী চহী ১৫ দগী ১৮ ফাওবগী চহী মতাংদা ভেক্সিন কাপ্পগী থৌরম অসি জনুৱারীগী তাং ৯ ফাওবা চৎথগনি হায়রি। হৌদোকপগী থৌরমদা শিলচরগী এমএলএ দ্বীপায়ন চক্রবর্তি, দিদিসি রাজিব রায়, হকশেল লোয়শঙগী জয়েন্ত দিরেক্তর আসুতোষ বর্মন অমসুং অতৈ হকশেলগা মরী লৈনবা মীওই কয়াসু শরুক য়াখি। ভেক্সনেসন দ্রাইব অসিগা মরী লৈননা শিলচরগী এমপী রাজদীপ রায়না ফোঙদোকখিবদা ভারত সরকারগী মখাদা আসাম শিনবা থুংনা চহী ১৫ দগী ১৮ ফাওবগী নুপামচা নুপীমচাশিংদা ভেক্সিন কাপ্পা হৌরে। কাছার জিলাগী মহৈশঙ ১৬৮ দা দ্রাইব অসি চৎথগনি। ঐনা খ্বাইদগী নুঙাইজবদি ইশামক্না শিলচরগী নরসিং হায়ার সেকেন্ডারি স্কুলদা মহৈরোয় তরারোমদা ভেক্সিন কাপ্পা হৌখিবা অসিনি হায়না ফোঙদোকখি। Video link > https://youtu.be/qoK19sEqcow