লখিপুরওনলাইন দিজিতেল দেস্কঃ কেন্দ্র সরকার অমসুং ইহৌ চৎথরিবা লৌমী লুচিংবশিংগী মরক্তা হয়েং দিসেম্বরগী ৯ দা ৬লক শুবা ওইনা ৱারী শান্নগদবা অসিগী মাংওইননা দিসেম্বরগী তাং ৮ ভারত পুম্বগী ওইনা ঙসি অয়ুক পুং ৫ দগী নুংথিল পুং ৫ ফাওবা পুং ১২ গী ভারত বন্দ কৌখ্রে। বন্দ অসি কাছার জিলাদসু মপুঙ ফানা পাঙথোকপা ঙম্ননবা জিলা অসিগী তোঙান তোঙানবা লৌমী অমসুং থৌমী লুপ ১২ না বন্দ অসি শৌগৎখ্রে। সিটু,আইএনটিইউসি,এ আই ইউ টি ইউ সি, এ আই সি সি টি ইউ,এ আই টি ইউ সি, অমসুং ফোরাম ফর সোশ্যাল হারমনি নচিংবা কাছার জিলাগী লূপ ১২ গী মীহুৎশিংনা ঙরাং শিলচরগী ক্ষুদিরাম মুর্তিগী মমাংদগী রেলী চৎপা হৌরগা রাঙ্গীরখারীগী নেতাজি মুর্তিগী মমাংদা ময়াম পুন্দুনা অপুনবগী ওইবা খোল্লাউ লাউখি। লৌমীলূপশিংগী মায়োক্তা পুথোকলিবা বিল অহুম অদু লৈঙাক অসিনা লৌথোকখ্রবদি লূপ অসিনা বন্দ অসি চৎথরম্লোইদবনি হায়না পাউমীশিংদা ফোঙদোকখি। বন্দ অসিগা মরী লৈননা কাছার জিলা লৈঙাক্কী মাইগৈদগী মফম মফমদা সিকিউরিগী মীওইশিং ঙাকশেন্দুনা লৈখ্রে। (Pao asi YouTube ta yengbiyu)