লখিপুরওনলাইন নিউজ দেস্কঃ মখুৎ চল্লবা মমিং লৈরবা দাকাত অমা চেন্নবগী হোৎনৈ হায়বগী মতাংদা পুলিসনা কাপ্পদা মখোঙদা শোকলে। কাছার জিলাগী মমিং লৈরবা দাকাতনি হায়বা তাজউদ্দিন খরনিগী মমাংদা সোনাইগী দোনেহরিদগী পুলিসনা ফাগৎখি। মহাক্কী চীনখুম মতুং ইন্না শগোলশেন নুমিৎকী অঙনবা অয়ুকতা খুৎশু খুৎলাই থমফম তাক্নবগী দমক শালচাপ্রাগী মফম অমদা দাকাত অসিগা লোয়ননা চৎলিঙৈদা দাকাত অসিনা নমদুনা চেন্নবা লাক্নখি হায়রি। থৌদোক অসিদা পুলিসনা নোংমৈ কাপ্পদা তাজউদ্দিনগী মখোঙদা পানখি অদুগা এদিসনেল এস পি সুব্রত কুমার সেন অমসুং কন্সতেবল প্রদীপ দাস দাকাত অদুগা মুক্নবদা অশোক অপন নংখি হায়রি। সালচাপ্রাদগী নোংমৈ অমগা মরু অহুমগা লৌখৎখি হায়না পাউ অসিনা মখা তারি। শোক্লবা তাজউদ্দিন শিলচর মেদিকেল কোলেজতা লায়কন্নরি। নাকল অমরোমদা তাজউদ্দিনগী মনাউনুপা নদি মহাক্কী ময়াম্বা অসি মেকানিকনি থৌদোক অসি করি করম্না থোকপনো হায়বা মহাক খঙবা ঙমদে হায়না পাউমীশিংদা ফোঙদোকখি। https://youtu.be/6r3-ImGSIUU