লাক্লিবা মার্চকী তাং ৫, ২০২০ ইং লমতাগী ১০ নি পানবা শগোলশেন নুমিৎ ইনিংথৌ গম্ভীর সিংহনা তাইবঙ ফাওরকখিবা নুমিৎনি। নুমিৎ অসিমক্তদা অথৌবা নীংশিংলূপ লখিপুরগী থৌরাং মখাদা পয়লাপুলদা নিংথৌ গম্ভীর সিংহগী মীতম অমা মায়খুম হাইদোকপগী থৌরম পাঙথোক্কদৌরি। মীতম অসিগী দমক পূকচেল চাউরবা অয়েকপম কুলচন্দ্র সিংহনা পয়লাপুলদা মফম পীবিখি।
 |
| Portrait of Chinglen Nongdrenkhomaba / Gambhir Singh(1825–1834) by RKCS |
থৌরম পরেংগী মতুং ইন্না অয়ুক পুং ৯ মি ১৫ দা লূপকী ফিরাল চিংখৎপা, চিংখৎপিগদবা আর কে সনাহল (লূপকী প্রেসিদেন্ট)। অয়ুক পুং ৯ মি ৩০ দা মীয়ামগী য়াইফ খোঙচৎ। অয়ুক পুং ১০ মি ৩৫ ইনিংথৌ গম্ভীর সিংহগী মীতম মায়খুম হাইদোকপা, হাইদোকপীগদবা মীথুংলেন ডঃ রাজদ্বীপ রায়, এম পি সিলচর। অয়ুক পুং ১১দা – অফোঙবা মীফম, মীফম মপু – আর কে সনাহল, প্রেসিদেন্ট অথৌবা নীংশিংলূপ। থৌরমদা শিলচরগী এমপি ডঃ রাজদ্বীপ রায়না মীথুংলেন ওইনা শরুক য়ারগনি। কাছার জিলাগী দিসি শ্রীমতি বর্ণালি শর্মা এসিএস, এদিসি অমসুং লখিপুরগী এসদিও ইনচার্জ শ্রী রাজীব রায় এসিএস না ইকাই খুম্নজরিবা মীথুং ওইনা শরুক য়াগনি। থৌরমদা এমইউ গী রিটায়ার্দ এইচওদি হিস্টরী এণ্ড ডীন প্রোঃ এন জয়কুমার সিংহ , নেহরু কলেজ পয়লাপুলগী রিটায়ার্দ প্রিন্সিপাল আবিদ রাজা মজুমদার অমসুং লেণ্ড ডোনর শ্রী এ. কুলচন্দ্র সিংহ না অখুন্নবা মীথুং ওইনা শরুক য়াগনি। রিসেপসন কমিটিগী চেয়ারমেন এস. নবদ্বীপ না মীয়াম্বু তরাম্না ওকপগী ৱারোল পীগনি অদুগা অথোবা নীংশিংলূপ, লখিপুরগী জেনরেল সেক্রেটরী য়ুম্নাম নদীয়াচান্দ সিংহনা কি-নোট এদ্রেস পীগনি।
পনবা য়াই, অথৌবা নীংশিংলূপ, লখিপুরগী ওইনদি হন্দক্কী অসিনা অনিসুবা হোৎনজমনগী মহৈনি। অহানবা ওইনা লূপ অসিগী থৌরাং মখাদা লখিপুর টাউনগী ময়োল মক্তদা হৌজিক লখিপুর সিজিএম কোর্টকী মমাংদা খিল্লিবা বীর টিকেন্দ্রজিৎকী শক্তম অসি মতম অদুগী মণিপুরগী চীফ মিনিস্টর ৱাহেংবম নিপামচা না এপ্রিলগী ২৩, ২০০০ দা মাইখুম হাংদোকপিখি। হন্দক অনিশুবা ওইনা লুপ অসিগী থৌরাং মখাদা ইনিংথৌ গম্ভীর সিংহগী লাইফ সাইজ মীতম অমা পয়লাপুল নেহরু কলেজ লম্বীদা লাক্লিবা শগোলশেন নুমিৎসিদা মাইখুম হাংগদবনি। মীতম অসি মণিপুরগী শর্মা আর্টস্ এন্দ ক্রাফস্ হাউস্ , খোংমন ইম্ফালগী বি. বণমালী শর্মানা শাবনি।
