বরাক তম্পাক্কী
⧭⧪➤ সাহিত্য সেবা সমিতি ককচীংনা চহীগী ওইনা পীদুনা লাকপা তোঙান তোঙানবা সাহিত্যগী মনা পীবগী খনগৎপদা বরাক তম্পাক্কী অইবা অনি য়াওরে। অইবশিং অদুদি সাজবম তাহির আলি অমসুং মোইরেজম সুব্রাম নি। পনবা য়াই, মোইরেংজম সুব্রামগী অতোপ্পা লোনদগী হন্দোকপা ৱারীমচাগী লাইরিক “থাবলগী চৈনা” অসিদা ক্ষেত্রি চাওবা ত্রান্সলেসন এৱার্দ অদুগা সাজবম তাহির আলিগী “লাক্কনি অমুক হন্না” হায়বা শৈরেং লাইরিক অসিদা ক্ষেত্রি নলিনি দেবী নিংশিং মনা পীরগনি হায়না লাউথোকলে। মনাশিং অসি লাকলিবা জনুৱারী থাদা পীগনি হায়রি। (www.lakhipuronline.in)
সোনাই মঙ্গলপুরদা ঈশৈ নোংমাইগী থৌরম পাঙথোক্কদৌরি।
⧭⧪➤ মেগাস্টার মঙ্গলপুরনা শিল্লাংদুনা লাক্লিবা চহী ২০২০ গী জনুৱারীগী তাং ৪ দা সোনাই মঙ্গলপুরদা য়েন্নিংহুনবা মিউজিকেল নাইট হায়না মীংথোনবা ঈশৈ নোংমাইগী থৌরম অমা পাঙথোক্কদৌরি। মনিপুরগী শৈশকপা শৈশকপী কয়ানা পাঙথোক্কদবা থৌরম অসিদা সোরী সেনজম, অর্বিন সোইবম, অফাও, বি কুঞ্জবিহারি, পাকাসনা, রীনা অরাম্বম,পুস্পা ৱাং নচিংবা মমিং লৈরবা আর্টিস্ট কয়ানা শরুক য়াগদৌরি। ।(www.lakhipuronline.in)
রাজ্য অসিগী এলপি স্কুল ৫২৯৫ প্রোভিন্সিয়েলাইজ তৌরগনি।
⧭⧪➤ সরকারনা রাজ্য অসিগী এল.পি. স্কুল ৫,২৯৫ প্রোভিন্সিয়েলাইজেসনগী থবক পায়খৎলগনি হায়না মহৈমশিংগী মন্ত্রী সিদ্ধার্থ ভট্টচার্যনা ফোঙদোকখ্রে। প্রোভিন্সিয়েলাইজ তৌরগতা য়ারোই মদুদা লৈরিবা ওজাশিংবুসু বেতন পীবা তাবনি হায়না ঙরাং বিধানসভাদা রাজ্যগী মহৈমশিংগী মন্ত্রীনা হায়খি। হৌজিক্কী ওইনা রাজ্য় অসিদা এলপিদা রেগুলার ওজা ১,১৬,৪৭৩ অদুগা কন্ট্রেক্চুয়েল ওজা ৪১,৫৩৪ লৈরি। চহীগী পরিক্ষাগী মতুংদা ওজাশিংগী ট্রান্ফারগী থবক পায়খৎলগনি হায়না পল্লদুনা থবক থাবা মতমদা মশানা অপাম্বা জিলা খনবগী তাঞ্জা পীখিবনি অদুবু থবক ফংলবা মতুংদা কনাগুম্বা ওজা খরনা মখোয়গী ট্রান্সফার তৌবিনবা হায়রকপা অসিদা অঙকপা পোকই হায়খি। (www.lakhipuronline.in)
কেবকী মতাংদা আসু য়াওনা অতৈ মহৈরোয়লূপ খরগা হোম মিনিস্টরগা উন্নগদৌরি।
⧭⧪➤ নোংম নিনি অসিদা আসামগী মহৈরোইলূপ অল আসাম স্টুদেন্টস্ ইউনিওন (আসু) য়াওনা অতৈ মহৈরোইলূপশিং খরগা সিতিজেন্সিপ এমেন্দমেন্ট বিলগী মতাংদা কেন্দ্রগী হোম মিনিস্টর অমিত শাহ গা উন্নরবা য়াই। হীরম অসিগী মতাংদা আসাম য়াওনা অৱাং নোংপোক্কী তোঙান তোঙানবা লুপ কয়াগা লোয়ননা রাজ্যশিংগী মুখ্যমন্ত্রীশিংগা হন্দক্তা নিউদিল্লিদা হোম মিনিস্টরগা ফমিন্নদুনা খন্ন-নৈখ্রবা মতুং অসিদা অমুক আসু অমসুং আসাম জাতীয়বাদী যুব ছাত্র পরিষদ য়াওনা অতৈ মহৈরোইশিংগী লুপ খরগা কেন্দ্রগী হোম মিনিস্টরগা উন্নবগী ৱা লৈরি।(www.lakhipuronline.in)
————————————————————
Get latest News Updates Please Download our Android app > CLICK HERE
To Subscribe our YouTube Channel > CLICK HERE
————————————————————