১৭-০৬-২০১৮
ঈশিং ঈচাউ
⧭⧪➤বরাক তুরেলগী ঈশিং ঈমাই খরা হন্থরবসু কাছার জিলাদা ইচাউগী ফিভম হোংবা লৈত্রি। করিমগঞ্জ অমসুং হাইলাকান্দি জিলাদসু অদুম্মক অৱাবা চৈথেং মায়োক্নরি। কাছার জিলাদা ইচাউনা শিবগা মশিং ৪ শুরে অদুগা ১ না থিবা ফংদনা লৈরি। পুল্লপনা বরাক তম্পাক অসিদা ইচাউনা শিবগী মশিং ৬ শুখ্রে অদুগা ২ থিবা ফংদনা লৈরি।(www.lakhipuronline.in)
১ শিরে ১ শোক্লে।
⧭⧪➤ লখিপুরগী এ.এস.ও. সেতেলমেন্ট অফিস শিলচরদগী পোইলাপুলদা হোংদোরকলে। হৌখিবা জুনগী তাং ১২ দা পোইলাপুলগী আম্বেদকার ভবনদা লখিপুর এ.এস.ও. অফিস হোংদোরকপগা লোয়ননা থবকসু হৌখি। লখিপুর এসদিওগী ফমসু পায়রিবা এদিসি জেআর লালসিম না লখিপুর গী সেতেলমেন্ট অফিসার ওইনা থবক
পুরি।(www.lakhipuronline.in)
ঈশিংদা ঈরাক্নব
⧭⧪➤ হন্দক্কী ইচাউদা ইলাকান্দি লালা রাজেশ্বরপুর খ্ঙুগংগী অমুথোই সিংহ (চহি ১২) তুরেলদা তাখিবদগী থিবা ফংদনা লৈরি। অসোমদা নোং চীংগী পাউ মতুং ইন্না লাক্লবা পুং ২৪ গী মনুংদা রাজ্য অসিদা অতিয়া নোংথি নোংমঙগনি। অমসুং রাজ্যগী মফম মফমদা ময়ায় ওইরপদগী অকনবা নোং চুরবা য়াই হায়রি। কাছার জিলাদা ঈচাউনা মরম ওইরদুনা মীওই ২ শিবগী পাউ ফংলি। আরকাতিপুরদা ঙরাং চহী ২১রোমগী রাজু নুনিয়া কৌবা নিপা অমা ঈশিংদা ঈরাক্নবদগী কন্নবা হোৎনবদা অতোপ্পা চহি ১৮ গী নিপামচা অমসু ইশিংদা ঈরাক্নদুনা শিখি হায়রি। অসোমদা জিরিঘাট লালপানিদা ইশিংদা থিবা ফংদনা লৈরকখিবা জামাল উদ্দিন (চহি ৪৯) অশিবা হকচাং ঙরাং সন্ধ্যাদা ফংখ্রে। অদুম ওইনমক জিরিঘাট দিঘলিদা ইচাউনা চেন্থখিবা প্রতাপ সিংহ (চহি ৩৮) অমসুং দুধপাতিল লালসিংপারগী পান্না মালাকার (চহী ২৬) গী হকচাং হৌজিকফাওবা ফংদ্রি। (www.lakhipuronline.in)
⧭⧪➤ ফিফা ৱার্ল্দ কাপ ২০১৮ ঙরাং গ্রুপ সি গী নুংথিল পুং ৩.৩০ দা শান্নখিবা মেচ অমদা ফ্রান্সনা অস্ট্রেলিয়াবু পাঞ্জল ২-১ দা মাইথিবা পীখি। গ্রুপ দি গী নুমিদাং পুং ৬.৩০দগী শান্নখিবা মেচ অদুদা আর্জেন্তিনাগা আইসলেন্দগা পাঞ্জল ১ – ১ দা দ্রো ওইখি। নুমিদাং পুং ৯.৩০ দা শান্নখিবা গ্রুপ সিগী মেচ অদুদা দেনমার্কনা পেরুবু পাঞ্জল ১ – ০ দা মাইথিহনখি। অদুগা নোংয়াই মতুং পুং ১২.৩০ তাবদা গ্রুপ দি গী মেচ অদুদা ক্রোৱেসিয়ানা নাইজেরিয়াবু পাঞ্জল ২ – ১ দা মাইথিবা পীখি। । (www.lakhipuronline.in)
