বরাক তম্পাক্তগী ফোঙবা পাউ-চে শিংদগী মরুওইবা পাউ খরা- ১১/০৬/২০১৮

বরাক তম্পাক্কী মরু ওইবা পাউ খরা-

###   ইরাই নুমিত্তা থোকখিবা কার্বি আংলোংগী থৌদোক্কা মরী লৈননা অভিজিৎ-নীলোৎপোল মীহাৎতা চেন্নবা মীওই ১৬ ফাজিনখ্রে। মখোয়দুগী মনুংদা ইহান হান্না ফেসবুকতা মখোয় অনীগী মরমদা তোকঙা শন্দোকপনি হায়বা ভুপেন্দ্র তেরাং কৌবা চহী ১৮ রোমগী নুপামচা অমসু দিফুদগী ফারে। ভিদিও ফুতেজগী মতেংনা মরাল লৈরে হায়না চীংনবা মীওই খরা ফারবসু মরুওইনা তমথিরবা মীহাৎ অসিদা চেন্নবা মীওই খরদি ফাবা ঙমদ্রি।

###  লৈখিদ্রবা অনিগী হকচাং গুৱাহাতিদা পুখিদুনা নবগ্রহা পোৎলোইফমদা অরোইবা মথৌ মঙম থাংজা নুমিত্তা পাঙথোকখ্রে। মসিগা লোয়ননা থৌদোক অসিদা পেন্দবা ফোঙদোক্লদুনা গুৱাহাতি কমার্স কোলেজ মনাক্তা মীওই লিশিং লিশিং থোরক্তুনা সরকার-পুলিসকী মথক্তা পেন্দবগী খোল্লাও লাওখি। অভিজিৎ অমসুং নীলোৎপোলপু মীহাৎপাশিং পুথোকউ অমসুং মীহাৎপা শিং অদুবু ফাঁশিগী অহকপা চৈরাক পীয়ু হায়না দাবী তৌখি।

### মীওইবগী মরক্তা হৌজিক এন আর সি গা মরী লৈনবা “এনআরসি সিন্দ্রোম” হায়বা য়াম্না অরুবা লায়না অমা শন্দোরকলি হায়না সর্ত অমত্তা য়াওদনা নাগরিক পীথোকপগী দাবী তৌরদুনা ঙরাং শিলচরদা পাঙথোকখিবা থৌরম অমদা থমোয়গী লায়নাগা মরী লৈনবা ডাঃ প্রসেনজিৎ ঘোষনা ৱাফমসি ফোঙদোকখিবনি। এনআরসি সিন্দ্রোম অসি করিগী শন্দোরকলিবনো হায়বগী পাউখুমদা মহাক্না অহানবা মীওই কয়াগী চে চাং শুদবা অমসুং অনীশুবদা অশেংবা চে চাং জমা তৌরবা মতুংদসু মীওই কয়ামগী য়ুমদা অনীরক অহুম্লক হন্না ভেরিফিকেসনগী নোটিস লাকতুনা চৈথেং পীবা অসিনি। মরমশিং অসিনা মীওইবগী মশাদা মেন্তেল এনজাইতি অমসুং দিপ্রেসননা নাহল্লে হায়না ডাঃ ঘোষনা মখা তাখি।