লখিপুরওনলাইন দিজিতেল দেস্কঃ হৌখিবা থাংজা নুমিৎ ফেব্রুৱারীগী তাং ৬ দা পাঙথোকখিবাবরাক মিউজিয়াম এন্দ লাইব্রেরী বনতারাপুর কাছার আসামগী ৭শুবা কুমওন থৌরমগী নুমিৎ য়ুংবা মতুংগী অফোংবা মীফমদা আসাম এসেম্বলিগী দেপুতি স্পিকর অমসুং সোনাইগী এমএলএ আমিনুল হোক লস্করনা অথোইবা মীথুং ওইনা শরুক য়াখি। বরাক মিউজিয়ামগী প্রেসিদেন্ট ঙাঙোম বসন্ত কুমারনা মীফম মপু ওইখি। অদুগা কে শরৎ কুমার চেয়ারমেন প্রোতোকোল কমিতি বিজেপি মনিপুর প্রদেস না ইকায় খুম্নজবা মীথুং ওইনা শরুক য়াখি। মিউজিয়ামগী চাওখৎ থৌরাংগী দমক শ্রী লস্করনা লুপা লাখ ২ চেক ওইনা পীরমখ্রে। কে শরৎ কুমারনসু মিউজিয়ামগী চাউখৎ থৌরাংগী দমক লুপা লিশিং ২০ কৎলমখি। থৌরমদা পদ্মশ্রী শৌগাইজম থানিল সিংহ, আলোক ত্রিপাথি প্রোফেসর আসাম ইউনিভার্সিতি শিলচর, মনিন্দ্র কোন্সম সিনিওর জার্নালিস্ত, মোইরাংথেম রাজেন্দ্র প্রোফেসার আসাম ইউনিভার্সিতি শিলচর, ঙারিয়াম্বম মধুচন্দ্র সোসিয়েল এক্টিভিস্ত অমসুং নাওরেম মমতা গেস্ত ওইনা শরুক য়াখি।
অয়ুক্তা হাওরোংবম অমরেন্দ্র না ফিরাল চীংখৎতুনা থৌরম হৌদোক্লবা মতুংদা মুতুম বাবাতোননা লুচিংদুনা লৈখিদ্রবা দোনোরশিংগী মফমদা ইকায় খুম্নবা উৎখি। মিউজিয়ামগী একজিবিসন তোঙান তোঙানবা গেলারি অনিদা সোসিয়েল এক্টিভিস্ত নাওরেম চুনিলাল অমসুং মিলালগী প্রেসিদেন্ট বিরেননা হাংদোকখি। লাইপুবম উপেন্দ্র শর্মানা মোদরেতর ওইখিবা খন্ননৈবগী থৌরমদা অখন্নবা ৱাঙাংলোয় ওইনা দাঃ মাখোনমনি মোংসাবা, মনিপুর ইউনিভার্সিতি অফ কলচার, দঃ ঐইচ বেলারানী এনজি কোলেজ মনিপুর, দঃ ঐইচ নিরেন্দ্র জনতা কোলেজ কাছার, জি বিসেশ্বর শর্মা মনিপুর ইউনিভার্সি অফ কলচার অমসুং উস্তাদ বিস্মিলাহ খান য়ুব মনা ফংলবা য়ুম্নাম ভুমেশ্বর সিংহনা চে পাথোকখি।
নুমিদাংৱাইরম হাওরোংবম বিমোল না মৈরা চুখৎতুনা নাৎকী থৌরম হৌদোকখি। থৌরম অসিদা বরাক তম্পাক্কী অঙাংশিংগী ওইবা পুং ঈশৈ অমদি জগোয়গী থৌরম লোয়ননা মনিপুরগী আর্তিস্ত কয়ানসু জগোয় ঈশৈগী থৌরম উৎখি।