লখিপুরওনলাইন নিউজ দেস্কঃ
মৈতৈ খ্রীস্টিয়ান তেংবাং লুপকী মরীশুবা থাগী মীফম অমা হৌখিবা থাংজা নুমিৎ নভেম্বরগী তাং ২৮ সোনাই চান্দপুরগী ওজা চীঙাখম লক্ষীবাবুগী শঙ্গায়দা লুপকী প্রেসিদেন্ট তোনাম্বম ব্রজাচান্দ না মীফম মপু ওইদুনা পাঙথোকখ্রে। থৌরমগী হৌগৎলকপদা সিঐইচ অমিত সিংনা গোস্পেল ঈসৈ অমা সকতুনা মীয়ামগী পুক্নিং চীংশিনখি। থৌরমদা সোনাই বাপ্তিস্ত চার্চকী পাসতর বীরচন্দ্র, এল সুবোল সিং অমদি চীঙাখম লক্ষিবাবু নচিংবনা ৱা ঙাংখি। জনতা কোলেজকী মনিপুরী দিপার্তমেন্তকী ওজা নিরেন্দ্র হোদাম্বনা চীফ গেস্ট ওইনা শরুক য়াখি। থৌরমগা মরী লৈননা ৱা ঙাংলদুনা ফুলেরতল বাপতীস্ত চার্চকী পাস্তর রতন না লুপ অসিগী মরুওইবা পান্দমদি অৱা অনা তারবা ইচীল ইনাওশিংবু তেংবাংবা, ইজাতিগী চাউখৎ লমদাংদা শরুক য়ামিন্নবনি হায়না পনখি। পনবা য়াই লুপ অসিনা হৌখিবা নভেম্বরগী তাং ১৪ অঙাংগী নুমি্ততা ৫৯৫ নম্বর এলপি স্কুল নুংফৌদা হন্দক্কী মেত্রীক পরিক্ষাদা লেতর মার্ক ফংদুনা মাইপাকলকখিবা মহৈরোইশিংদা সকখঙচে অমদি অচম্বা খুদোল পীদুনা পুক্নিং থৌগৎপীখি হায়রি। (PAO ASI YOUTUBE TA YENGBIYU)