রাজ্য অসিগী শান্নরোইশিংদা আসাম সরকারনা লুপা লিশিং ৫০ তৌদুনা শেলগী মতেঙ পীগদৌরি।

২০১৯-২০গী শেলথুমগী বাজেততা লাউথোকখিবা মতুং ইন্না নৌনা হৌগৎলকলিবা শান্নরোইশিংদা হেন্না মতীঙ লৈবা শান্নরোই অমা ওইবা ঙম্নবগী মতেঙ ওইনা আসাম সরকারনা রাজ্য অসিগী শান্নরোই ১০০০ দা লুপা লিশিং ৫০ তৌদুনা পীগদৌরি। হায়রিবা শেনগী তেংবাং অসি ফংগদবা শান্নরোইশিংনা মরুওইনা এসিয়ান গেমস, কমনৱেলথ্ গেমস অমসুং ওলিম্পিকনা শকখঙলবা মশান্নশিংদা হৌজিক হৌজিক থৱায় হকচাং য়াওনা শান্নবা মীওই ওইবা তায়। ক্রিকেত অমসুং চেস্ মশান্নসু হায়রিবা স্কীম অসিগী মনুং চনগনি। মশাগী চহী ১২ দগীনা ২১গী মনুংদা লৈরিবা শান্নরোইশিং ২০১৭ তগীনা ২০১৯ গী মনুংদা মহাক্না উৎখিবা মহাক্কী পার্ফোরমেন্সকী মতুং ইন্না কান্নবা অসি ফংগনি। অদুম ওইনমক শান্নবগী পেন্সন ফংলিবা মীওইশিংদি হায়রিবা তেংবাং অসি ফংলোই হায়রি। খুদোং চাবা অসি লৌনবগী দমক শান্নরোইশিংনা আসাম সরকারগী দিরেক্তরেট অফ স্পোর্তস্ এন্দ য়ুথ্ এফেয়ার্সকী ৱেবসাইট www.dsyw.assam.gov.in অসিদা চঙদুনা এপ্লিকেসন পীশিনবা য়াগনি।
————————————————————
Get latest News Updates Please Download our Android app  CLICK HERE
To Subscribe our YouTube Channel CLICK HERE 
————————————————————