লখিপুরওনলাইন দিজিতেল দেস্কঃ ফিফতিন্থ ফাইনেন্স কমিসনগী মখাদা কাছার লখিপুর মিউনিসিপালিতিগী ৱার্দ নম্বর নাইনদা নহারোল খোরিরোল পেভর ব্লোক লম্বীগী যাত্রা হুনবগী থৌরম অমা ঙরাং ইরাই নুমিত্তা পাঙথোকখ্রে। লুপা লাখ মঙা মখায়রোম চংনা নৌনা শাগদবা লম্বী অসি লখিপুরগী এমএলএ শ্রী কৌশিক রায়না উরেপ উয়ুং তম্বিখি। মতুংদা লখিপুর খুমন ইপুথৌ থোংনাংদা মীয়ামগী ওইবা মীফম অমা পাঙথোকখি।
থৌরম অসিদা লখিপুরগী এমএলএ শ্রী কৌশিক রায়, লখিপুর সাবদিবিজনগী এসিস্তেন্ট কমিসনার জয় খ্রিস্টিনা নমলাই, আরাম্বম গৌরগোপাল, ইঙুদম বিনোদ, বানী শর্মা, লৈশুংবম রোবিন্দ্র নচিংবা মীওইশিংনা দাইজতা ফমখি। থৌরমদা ৱা ঙাংলদুনা এমএলএ শ্রী কৌশিক রাইনা লখিপুরগী চাউখৎথৌরম কয়াগী মতাংদা পল্লদুনা মথং চহীগী ফেব্রুৱারী থাগী মনুংদা ৱার্দ নম্বর নাইন অমসুং তেন অনীমক্কী মনুংদা লৈরিবা লৈরক্কী লম্বী খুদিংমক পেভর ব্লোক থারগনি হায়খি।
ৱার্দ অনি অসিদা লৈরিবা লাইশঙ মরীগী শেমগৎশাগৎপগী ৱাফম পল্লদুনা অহানবগী ওইনা ইপুথৌ থোংনাংগী বিল্দিং অসিগী ফার্স্ট ফ্লোর শানবগী দমক লুপা লাখ মঙা পীরগনি হায়না ফোঙদোক্লমখি। https://youtu.be/CqKlmMtEKF8