লিসিপ্রিয়া কাঙুজম মশাগী চহী ৮ খক্তমক ওইরি। স্পেস সাইন্টিস্ট অমা ওইবা মহাক্কী অপাম্বনি। মশানা রোকেট অমা দিজাইন তৌদুনা শারগা থাদা চৎনিংঙি হায়। ” থাগী মরমদা রিসার্স তৌরগা থাবু পৃথিবীগুম্না ওইহন্নবা হোৎনগনি।” “পৃথিবী অসিদি কায়দুনা মাংখ্রগদবনি।”
মচানুপীবু কদায়দা করি শোয়খিগদগে হায়দুনা কোয়শেন শেন্নরিবা মপুবুং কে.কে. সিং গী মতুং ইন্না মালেমগী ক্লাইমেত এক্টিভিস্টশিংগী মনুংদা লিসিপ্রিয়ানা খ্বাইদগী অঙাং ওইরিবীনি। মপাবুং মশামকসু চহী ২৮ তা ঙাইরিবনি।
দিসেম্বরগী তাং ১০ লৈবাকপোকপা নুমিৎ নুমিদাং স্পেনগী কোনুং মাদ্রিদতা পাঙথোকখিবা ইউনাইতেদ নেসন্সকী ক্লাইমেত চেঞ্জ কনফরেন্স কোপ২৫ দা অৱাংবা থাক্কী মীওইশিং য়াওনা ৱা ঙাংলিবশিংগী মরক্তা লিসিপ্রিয়া কাঙুজমসু ৱা ঙাংখি। হান্নগী ইউ এস সেক্রেটরী অফ স্টেত জোন কেরী অমসুং অতৈ মালেমগী পোলিটিকেল লিদর কয়াসু নুমিৎসিগা মরী লৈননা ৱা ঙাংখি।
লিসিপ্রিয়াগী মরমদা মপানলমগী পাউচে শিংদা ইনবা থেংনরে। স্পেনিস পাউ-চে এল পাইস্ না মহাকপু “গ্রেটাস অফ্ দি গ্লোবেল সাউথ” হায়না মীংথোনখি। প্রাইম মিনিস্টর নরেন্দ্র মোদিগী মফমদা ক্লাইমেত চেঞ্জকা মরী লৈনবা আইন অমা পাস তৌহন্নিংবগী ৱাফম লিসিপ্রিয়ানা ফোঙদোকলি। মহাক্না হায় ” ক্লাইমেত লো পাস তৌরগদি ঐখোয়না মসিবু কন্ট্রোল তৌবা ঙমগনি, নত্রবদি অদুম অদুম হেনজিল্লক্লগনি”।
ইম্ফালদা পোক্লগসু অয়াম্বদি দিল্লি অমসুং ভুবনেশ্বরদা লৈ হায়। হিন্দি ফজনা ঙাংঙি। ইংরাজিদা ফজনা স্পিচ পিখি। মাইক্রোফোন লাম্বা ফংনবা ফানগুম্বা অমা চীংশিনবিরকখি।
মমা কাঙুজম ওংবী বিদ্যারানী দেবী না মচানুপীনা অসুম্না তৌবসি লাই রিকতা শোয়খিগদ্রা হায়না খনবনি অদুবু হৌজিকতি মসিগী কান্নবা খঙলে। মপাবুংনা শেম্বা ইন্টরনেসনেল য়ুথ কমিতি হায়রিবা ওর্গেনাইজেসন অসিনা মহাক্না মালেমগী অতৈ অতৈ লূপ কয়াগা খুৎশম্নবা ঙমখি। লুসিপ্রিয়া মালেমগী লৈবাক ২২ দি ভিজিত তৌখ্রে।
————————————————————
Get latest News Updates Please Download our Android app CLICK HERE
To Subscribe our YouTube Channel LICK HERE
————————————————————