কাছার লখিপুরগী হোসপিতাল, সিভিল এসদিও অফিস অমসুং আর্ল হায়ার সেকেন্দরী স্কুলগী অনৌবা বিল্দিংশিং মথং থাদগী শাবা হৌরগনি

লখিপুরওনলাইন ডিজিতেল দেক্সঃ কাছার লখিপুরদা লৈঙাক্কী মাইগৈদগী অনৌবা বিল্দিং কয়া শাবগী থৌরাংগী মনুং চন্না লখিপুর হোসপিতাল, সিভিস এসদিও অফিস অমসুং আর্ল হায়ার সেকেন্দরী স্কুল নৌনা শাবগী দমক অনৌবা বিল্দিং শাবা লোয়দ্রিফাওবা খরনিগী ওইনা অতোপ্পা মফমদা হোংদোকখিগদৌরি। হিরমসিগী মতাংদা জুলাইগী ২২, ২০২৪ইং নিংথৌকাবা নুমিত্তা লখিপুর মিউনিসিপালিতি হোলদা পাঙথোকখিবা মীয়ামগী ওইবা মীফম অমদা ৱাফমসিগী মতাংদা খন্নখ্রে। অথোইবা মীথুং ওইনা লখিপুরগী এমএলএ শ্রী কৌসিক রায়, লখিপুর মিউনিসিপালিতি গী চেয়ারমেন Mrinal Kanti Das, এসদিও সিভিল টি থাউসেন, কল্যান চক্রবর্তী অমদি ডাঃ ৱাই কিসোর সিং নচিংবা মীওইশিংনা ইকায় খুম্নজবা মীথুংশিং ওইনা শরুক য়াখি। মীফমদা ৱা ঙাংলদুনা এমএলএ শ্রী কৌসিক রায়না হায় লখিপুরগী মীয়ামনা মতম কুইনদগী মংজরকপা মংলান তপ্না তপ্না মংফাওনবা হৌরে, লাকলিবা আগস্ত ১৫ গী মনুংদা লখিপুর হোসপিতাল, সিভিস এসদিও অফিস অমসুং আর্ল হায়ার সেকেন্দরী স্কুলগী অনৌবা বিল্দিং সাব হৌরগনি। মসিনা মরম ওইরগা চহী অনিরোমগী ওইনা লখিপুর হাসপাতালগী থবক থৌরমসিং ছতোমামদা হোসপিতালদা হোংলগনি। স্কাৱার ফুত লিসিং ৮০ গী মনুংদা লুপা ক্রোর ১২৭ চংনা নৌনা শাগদবা মথোল ৭ লৈগদবা ফমুং ১০০গী লখিপুর হোসপিতাল অসিদা , দাক্তর ২০, নার্স ৪০ লৈগনি।

লুপা ক্রোর ১৯ চংনা শাগদবা লখিপুর এসদিও সিভিলগী বিলদিং সারিঙৈদা খরনিগী ওইনা এসদিও অফিস ফুলেরতল সদ্ভাবনা হোলদা মতম খরাগী ওইনা হোংদোক্লগনি। অদুগা লুপা ক্রোর ৮ চংনা শাগদবা আর্ল হায়ার সেকেন্দরী স্কুলগী অনৌবা বিল্দিং সারিঙৈদা স্কুল অসিগী মহৈরোয়শিং মনাক নকপদা লৈবা গোভমেন্ত গার্লস স্কুল অমদি অতৈ মফম খরদা মহৈ তম্বীগনি হায়রি। লখিপুরগী চাওখৎ থৌরম কয়া পায়খৎলকপদা মীয়ামনা এলএলএ শ্রী কৌসিক রায়গী মফমদা থাগৎপা ফোঙদোক্নখি।