লখিপুর অহল মরূপনা তোলেনখুন-সিঙ্গেরবন্দগী বরাক তুরেলগী মথক্তা থোং অমা শাবিনবা তকশিনখ্রে

লখিপুরওনলাইন ডিজিতেল দেস্কঃ লখিপুর সাব-দিস্ত্রিককী মনুং চনবদা লৈবা তোলেনখুন সিঙ্গেরবন্দগী বরাক তুরেলগী মথক্তা থোং অমা শাবিনবগী মতম কয়াগী মমাংদগী তকশিন্দুনা লাকপগুম ঙসি লখিপুর অহল মরূপকী মীহুৎ কাংবু অমনা লখিপুর এমএলএ গা মসাগী শঙ্গায়দা উন্নদুনা হীরমসিগী মতাংদা তকশিনখ্রে। এমএলএ গী মাইগৈদগী লখিপুরগী পিদব্লিউদি ইনজিনিয়ারদা মথৌতাবা সার্ভে রিপোর্ত পীখৎনবা শিনগনি হায়বা ৱাফম ফোঙদোরকখ্রে হায়রি। মসিগী মমাংদসু আসামগী মুখ্যমন্ত্রী দা হিমন্তবিশ্ব শর্মগী মফমদা লখিপুর এসদিও সিভিলগী খুত্থাংদসু হীরমসিগী মতাংদা তকশিনবা লৈখ্রে। মখাতানা এমএলএ না সিঙ্গেরবন্দ লৈরায় নীংখায়বা ঙাক্নবা নৌনা লুপা ক্রোর মঙামখায় আসাম লৈঙাকনা কায়থোক্লগনি হায়বা ৱাফমসু মীহুৎ কাংবু অসিদা ফোঙদোরকখি হায়রি। মীহুৎ কাংবু অসিদা লুপকী থৌবুরেন ইঙুদম বিনোদ অমসুং ঙমথং থৌবুরেন সাগপম বীরেন শরুক য়াখি।