ঙামিসিংগী খন্থবিরগা লৈঙাক্না মহৌশাগুম ঙাগী মেলা অমা শিনবিদুনা ঙামীসিংবু পুক্নিং থৌগৎপিয়ু হায়রকলি

লখিপুরওনলাইন ডিজিতেল দেস্কঃ মনিপুর অসি ঙামী লিশিং কয়ানা ঙাগী পোথোক পুথোকচদুনা ঙাগী চীনজাকতা মীপাল তাংদবা স্তেট অমা ওইহন্নবা হোৎনবগা লোয়ননা ঙাগী পোত্থোকনা হীংনবা হোৎনজরিবা লমদম অমনি। অদুবু খঙহৌদনা হৌখিবা চহী ২০২৩ গী মেগী ৩ দগী হৌরকখিবা লান্না মরম ওইরগা অচৌবা চৈথেং অমা ওইহল্লে হায়না ওল মনিপুর ইউনাইতেদ ফিস ফার্মরস্ এসোসিয়েসন (আমুফা) ইম্ফালগী মাইগৈদগী লূপকী প্রেসিদেন্ট ময়েংবম বিমোলচান্দনা থাদোরকপা চেরোল অমদা হায়রি। চেরোল অসিনা মখা তারদুনা হায় কোরোনাগী চৈথেংনা মতম শাংনা ওৎলুরবা মতুংদা খজিক্তং শ্বোর হোন্দোকপা য়ারদ্রা হায়না আসা তৌররগা খঙহৌদনা লান থোক্লকপদগী খম থেংনা অমুক ৱাহল্লে। মতম খরগী মতুংদদি মনিপুরদগী ঙামীসিং মুৎখিবা য়ানা লৈরে হায়রি। ঙামিসিংগী খন্থবিরগা লৈঙাক্না মহৌশাগুম কুমসি চহীগীসু ঙাগী মেলা অমা শিনবিদুনা ঙামীসিংবু পুক্নিং থৌগৎপিয়ু হায়না চেরোল অসিদা মখা তারকলি।