মনিপুরী লেঙ্গোইজ দেভেলপমেন্ট সোসাইতি (মালাদেস) আসামগী ৩২ সুবা মপোক কুমওন থৌরম খোরিরোল শঙলেন লখিপুরদা পাঙথোকখ্রে।

লখিপুরওনলাইন ডিজিতেল দেস্কঃ মনিপুরী লেঙ্গোইজ দেভেলপমেন্ট সোসাইতি (মালাদেস) আসাম ইন্দিয়াগী চহী ৩২ সুবা মপোক কুমওন থৌরম অমা ওক্টোবর ১৫ লৈবাকপোকপা নুমিত্তা খোরিরোল শঙলেন লখিপুরদা পাঙথোকখ্রে। লূপকী প্রেসিদেন্ট প্রোফেসার জি নরহরি শর্মানা ফিরাল চীঙখত্তুনা থৌরম হৌদোকখি। মতুংদা পাঙথোকপা "মনিপুরী লোনগী মশক" হায়বা হীরমদা নৈন থৌরমদা ইঙুদম বিনোদ, খাইদেম কান্ত, খাইদেম গৌরহরি, নাওরেম নীলমনি, তোনাম্বম রোবিন্দ্র অমসুং ইঙুদম নীলবীর না ৱা ঙাংখি। থৌরমগী মনুং চন্না জি নরহরী শর্মাবু প্রেসিদেন্ট অমসুং নাওরেম নীলমনিবু জেনরেল সেক্রেটরী খন্দুনা মালাদেস আসামগী অনৌবা বোদি সেমখি। মনিপুরী লোনগী চাউখৎ থৌরমগা মরী লৈননা ৱারেপ খরসু লৌখি হায়রি।