জিরিবামদা ড্রাগ ফ্রী ইন্ডিয়া কেম্পেইনগী থিমদা লাইয়েকপা চাংদম্নগী থৌরমপাঙথোকখ্রে

জিরিবাম, ৩০, মার্চ ২০২৫ঃ ঙসি জিরিবামগী ডি সি শ্রী কৃষ্ণ কুমার IAS কী মীৎয়েং মখাদা, “নশা মুক্ত ভারত অভিযান”গী শরুক অমা ওইনা ‘ড্রাগ ফ্রী ইন্ডিয়া কেম্পেইন’গী মতাংদা এৱার্নেস প্রোগ্রাম অমসুং লাইয়েকপা চাংদম্নবগী থৌরম অমা মাই পাক্না পাঙথোকখ্রে।

থৌরমগী মরুমদা

• শিনবীরিবশিং: ডিস্ট্রিক্ট এডমিনিষ্ট্রেশন জিরিবাম অমসুং ডিস্ট্রিক্ট সোসিএল ওয়েলফেয়ার ওফিস, জিরিবাম।
• মীৎয়েং মখাদা: শ্রী কৃষ্ণ কুমার IAS, ডি সি জিরিবাম।
• থিম: “ড্রাগ ফ্রী ইন্ডিয়া কেম্পেইন” (নশা মুক্ত ভারত অভিযানগী শরুক অমা ওইনা)।
• মফম: আর.কে. সনা তোম্বী বিদ্যালয় হোল, জিরিবাম।
• পান্দম: মহৈরোয়শিংদা ড্রাগসকী মরমদা গ্যান তাহনদুনা জিরিবামবু ড্রাগ ফ্রী জোন অমা ওইহন্নবা হোৎনবা।

লাইয়েকপা চাংদম্নবগী মতাংদা

• কেটাগরিশিং:
  • ক্লাস ৬ তগী ১০ ফাওবা
  • ক্লাস ১১ তগী ১২ ফাওবা
• শরুক য়ারিবশিং:
  • অপূনবা মহৈরোয়: ২০০ রোম
  • মহৈরোয় নুপা মচা: ৯৯
  • মহৈরোয় নুপী মচা: ১০১

ওফিসিএলগী পাউজেল

থৌরম অসিগী মতাংদা য়ুমলেম্বম সনাথোই, SDC না ফোঙদোকখিবদা, “থৌরম অসিগী পান্দমদি জিরিবাম ডিস্ট্রিক্টপু ফ্রি ড্রাগ জোন অমা ওইহন্নবগীদমক হোৎনবা অমসুং মসিগী শরুক অমা ওইনা মহৈরোয়শিং অমসুং মমা মপাশিংদা ড্রাগসকী মরমদা গ্যান তাহনবা অমসুং এৱার্নেস পীবনি” হায়না মখা তাখি।