ককচিং জিলাদা হিন্দুস্তানী ক্লাসিক্যাল মিউজিক কনসার্ট পাংথোকখ্রে

শিবকুমার মেমোরিয়াল মিউজিক কলেজ, ককচিং জিলানা সিন্দুনা কলেজ অসিগী অডিটোরিয়াম দা চহিগী ওইবা হিন্দুস্তানী মিউজিক কনসার্ট হৌখিবা য়ুমশাকৈসা নুমিত্তা নোংমগী ওইনা পাংথোকখ্রে।

থৌরমগী মিথুংলেন

থৌরমদা সাহিত্য সেবা সমিতি, ককচিংগী প্রেসিডেন্ট ওইরম্বা য়েংখোম ধনঞ্জয় না অথোইবা মিথুংলেন, মিউজিক কলেজ অসিগী প্রেসিডেন্ট শ্রীময়ুম বয় না থৌরম মপু অমসুং লিবর্টি থিয়েটার, ককচিং গী প্রেসিডেন্ট য়ামবেম সত্য না অখন্নবা মিথুং ওইখি। ৱেলকাম অমসুং নুংগী ওইবা ৱাফম পিরদুনা কলেজ অসিগী প্রিন্সিপাল শ্রীময়ুম নবকুমার শর্মা না কলেজ অসি নৌরিবা ওইজরবসু লমদম অসিদা নীপুন, মাস্টার ফাওবা হিন্দুস্তানী ক্লাসিক্যাল তমবা য়ারবা কলেজ অমনি হায়খি।

মতীক চাবা মহৈরোয়শিং

মতীক চাবা মহৈরোয় কয়াদসু সার্টিফিকেট, ডিপ্লোমা অমাসুং ডিগ্রী পিখ্রে হায়না মহাকনা মখা তাখি। অৱাং নোংপোক্কী মহৈরোয়শিং না তমবগী খুদোংচাবসু থমলি হায়খি। থৌরমদা মহৈরোয়শিংগী ক্লাসিক্যাল, জগোই-ইশৈ, ইন্সট্রুমেন্ট কয়ানসু ভাবোক্কী পুকনিং চিংশিনখি।

সুভেনির পুথোকপা অমসুং থৌরমগী মীথুংশিং

থৌরমগা মরী লৈননা মিউজিক কলেজ অসিগী চহিগী সোভেনির অমসু পুথোকখি। থৌরমদা আর্ট কলেজকী সিনিয়র ফ্যাকাল্টি ডঃ খোমদোন, BDSA গী স্টেট প্রেসিডেন্ট ডঃ আর কে গুণচন্দ্র, লাইব্রেরিয়ান সেকমাই চন্দ্রামণি, ডান্সার বিমোলা সিজা না চিংবা সাকনাইবা মীওই কয়াসু শরুক য়াখি।