মণিপুরী সাহিত্য পরিষদ আসামগী টার্ম ২০২৫ দগী ২৮ ফাওবগী ফম খনবগী স্ক্রুতিনি লোইখ্রে

মণিপুরী সাহিত্য পরিষদ আসামগী টার্ম ২০২৫ দগী ২৮ ফাওবগী ভাইস প্রেসিডেন্ট, জেনেরেল সেক্রেটারি অমসুং সেক্রেটারিগী ফমগীদমক মিরেপ-চে থাবীরকপা ক্যান্ডিডেটশিংগী নমিনেশন পেপারশিং মার্চকী তাং ২৭ সগোলসেন নুমিৎ নুংথিল পুং অহুম তাবা মতমদা লখিপুরগী মণিপুরী গেস্ট হাউস কোঞ্জেংলৈকাইদা স্ক্রুটিনি তৌবা লোইশিনখ্রে।

ভাইস প্রেসিডেন্টকী ফমদা মিরেপ-চে পিশিল্লকখিবা ক্যান্ডিডেটশিং:

• হাওরমবম রাজমণি
• জেন্দ্রেমবম কুঞ্জলাল
• ৱাংজম ব্রজবাসী
• স্বপন সিংহ
• নোংথোম্বম বিনোদবিহারী
• খেমাময়ুম দিলীপ
• থোকচোম অনিল

জেনেরেল সেক্রেটারিগী ফমদা মিরেপ-চে পিশিনবীরকখ্রবা:

• ডঃ মৈস্নাম নিংহৈব (লম্বা য়াওদবা মিরেপ ওইনা অয়াবা পিখ্রে)

সেক্রেটারিগী ফম মরীগীদমক মিরেপ-চে পিশিনবীরকখিবা মীওইশিং:

• ডঃ পোৎসাংবম রাজবিহারী সিংহ (লম্বা য়াওদবা মিরেপ ওইনা অয়াবা পিখ্রে)
• ফামদোম মণিবাবু (লম্বা য়াওদবা মিরেপ ওইনা অয়াবা পিখ্রে)
• মোইরাংথেম হীরেনকুমার (লম্বা য়াওদবা মিরেপ ওইনা অয়াবা পিখ্রে)
• কে রবীন্দ্র সিংহ (লম্বা য়াওদবা মিরেপ ওইনা অয়াবা পিখ্রে)

হায়রিবা মীরেপ-চেশিং অসি খনবা অমসুং অয়াবা পীবগী থৌরমসিদা ইলেকশন কম্মিটীগী রিতার্নিং অফিসার কাংবম শান্তিকুমার (রিটায়ার্ড এসিএস) গী লমজিং মখাদা এসিস্টেন্ট রিতার্নিং অফিসার অনি—ডঃ য়েংখোম রাজবিহারী, সৌগাইজাম সুভংকর অমসুং লাইশ্রম নন্দকুমার প্রেসিদেন্ট মণিপুরী সাহিত্য পরিষদ লখিপুর মশা অমসুং ইঙুদম নীলবীর, সেক্রেটারি লখিপুর জিলা কম্মিটী মণিপুরী সাহিত্য পরিষদ আসামনা মতেং পাংবীদুনা স্ক্রুটিনিগী থবক আসোই অঙাম য়াওদনা মপুং ফানা লোইশিনখি।