লখিপুরওনলাইন নিউজ দেস্কঃ- নোংলৈ নুংশিৎ য়াস না উরিষ্যাগী সমুদ্র তোর্বান লাল্লগা ঙরাং নুংথিলদা বালাশ্বরদা অকনবা নোংলৈ নুংশিৎ শিৎখ্রে। উরিষ্যাগী বালাশ্বর অমসুং ভদ্রক জিলা অনি অসিদা নোং কন্না চুখ্রে। মাংজৌননা মীওই লাখ ৬ রোম শাফগদবা মফমদা পুথোকপগী থবক পাঙথোকখ্রে।
নোংলৈ নুংশিৎ অসিনা ৱেস্ত বেঙ্গলগী সমুদ্র তোর্বানগী মফমশিংদা অকনবা মওংদা শিৎপগা লোয়ননা তুরেলগী ঈমায় পাথোক্তুনা অনেম্বা মফম কয়া ঈশিংনা থুমজিনখ্রে। ৱেস্ত বেঙ্গলগী ইস্ত মিদনাপুর অমসুং সাউথ ২৪ পরগানাগী মফম শিংদা চাউনা অমাং অতা থোকহনখ্রে। উপাল ৱাপাল অমসুং য়ুম কৈ কয়ামরুম অতেক অকায় থোকহনখ্রে। অৱাং তম্না শিৎচিল্লক্লিবা নোংলৈ নুংশিৎ অসিনা ঙসি অয়ুকতা সতিসগর, বিহার অমসুং ঝরখন্দা থুংলবা য়ানা লৈরি।