লখিপুরওনলাইন নিউজ দেস্কঃ
নবেম্বরগী তাং ১৯ দগী ২৫ ফাওবা চয়োল অমা চুপ্না চৎথগদবা ৱার্লদ হেরিতেজ ৱিক কা মরী লৈননা দিরেক্তরেত অফ আর্কিওলোজিকেল আসামনা রাজ্য অসিগী মীওই অনিদা ঐতিয্য মিত্রগী মীংথোল পীদুনা ইকায় খুম্নখ্রে। রাজ্য অসিগী পুৱারীগা মরী লৈনবা পোৎলমশিংবু য়োকতুনা থম্বগী দমক মনা অসি ফংখ্রবা মীওই অনি অদুদি হোজাই জিলাগী রাজবারীদগী মশাগী চহী ৮৫ শুরবা কৃষ্ণকুমার সিংহ অমসুং সিবসাগর জিলাগী নবীন বরগোহাই নি।
মনা অসিদা শকতাক চেরোলগা লোয়ননা শেলগী মনা লুপা লিশিং ৫০ য়াওরি। ৱার্লদ হেরিতেজ ৱিককা মরী লৈননা হৌখিবা শগোলসেন নুমিৎ নভেম্বরগী তাং ১৯ দা সিবসাগরদা পাঙথোকখিবা থৌরমদা আসামগী মুখ্য়মন্ত্রী সর্বানন্দ সোনোৱালনা মনা অসি খুৎশিন্নখি।