লখিপুর, কাছার, নভেম্বর ১৯, ২০২০- ওল আসাম মনিপুরী ৱুইমেন মৈরাপায়বী কোর্দিনেসন কমিতিনা শিন্দুনা অমসুং সিঙ্গেরবন্দ ৱুউমেন মৈরা পায়বী কমিতিনা য়ুম্বু ওইদুনা লাক্লিবা দিসেম্বরগী তাং ১২ থাংজা নুমিৎতা ৮১ শুবা নুপীলাল নীংশিং নুমিৎ কাছারগী সিঙ্গেরবন্দ হৈস্নাম লৈকায়দা পাঙথোক্লগনি। হায়রিবা থৌরমসিদা কোর্দিনেসন কমিতি অসিগা লোয়নবা আসাম শিনবা থুংনা লৈরিবা ব্রাঞ্চ কমিতি ১৩২ রোম অসিগী ইউনিত খুদিংদগী মীহুৎ ওইনা য়ামদ্রবদা নুপী মেম্বর ১০/১০ দং লাকতুনা শরুক য়াবিরনবা লুপসিগী প্রেসিদেন্ট খাঙেম্বম সাবিত্রি দেবী, ভিপি কোঞ্জেংবম অরুনা দেবী অমসুং জেনরেল সেক্রেতরী চীংশুবম বেনুবালা দেবীনা আপিল তৌরি। লেঙবিরকপা মতমদা ইউনিত খুদিংদগী বেনর অমমম লোয়নবিরকপগা লোয়ননা চহীগী সেনখায়সু পীবিনবা ওল আসাম মনিপুরী ৱুইমেন মৈরাপায়বী কোর্দিনেসন কমিতিগী জেনরেল সেক্রেতহী চীংশুবম বেনুবালাগী চেরোলদা ফোঙদোরকলি। (Pao asi YouTube ta yengbiyu)