শিলচর লোকসভা ফমগী দমক অপুনবা মীরেপ ১৪ না লম্বা তৌনরগনি।

লখিপুরওনলাইন দিজিটেল দেস্কঃ  লৈবাকপোকপা নুমিত্ মীরেপচে পীশিনবগী অরোইবা নুমিত্তা শিলচর লোকসভা ফমগী দমক মীরেপ ১০ খকনা মখোয়গী মীরেপ চে পীশিল্লকখিবগা লোয়ননা শিলচর লোকসভা ফমগী দমক অপুনবা মীরেপ ১৪ না হন্দক্কী লোকসভা মীখল অসিদা লম্বা তৌনরগনি। ঙরাং মীরেপচে পীশিল্লকখিবা মীওইশিং অদুদি এনপিপি দগী নাজিয়া ইয়াসমিন মজুমদার, তৃণমুল কংগ্রেসকী হিতব্রত রায়, ফোরৱার্দ ব্লোককী বদরুল ইসলাম বড়ভুইয়া অমসুং অতৈ ইন্দিপেন্দেন্ট মীরেপ তরেৎ শুভদীপ দত্ত, নজমুল হক লস্কর, মহেন্দ্র চন্দ্র দাস, শুভেন্দু দাস, অশীতাভ দত্ত, আশুতোষ ভট্টাচার্য অমসুং পূর্ণলাল গোৱালা নি। মসিগী মমাংদা হৌখিবা নিংথৌকাবা নুমিত্তা কংগ্রেস দোলদগী সুস্মিতা দেব, বিজেপি দগী ডাঃ রাজদীপ রায়, এস ইউ সি আই (কমিউনিস্ট) শ্যামদেও কুর্মী অমসুং ইন্দিপেন্দেন্ট মীরেপ দিলীপ কুমার মীরেপ চে পীশিনখি। মীরেপচে লৌথোকপগী অরোইবা নুমিৎনা মার্চকী তাং ২৯নি।
পনবা য়াই, ইন্দিয়ান নেসনেল কংগ্রেসকী সুস্মিতা দেব হৌখিবা ২০১৪গী লোকসভা মীখলদা ভারতীয়া জনতা পার্টি গী  কবীন্দ্র পুরকায়স্থদগী ভোট মশিং ৩৫,২৪১ হেন্না ফংদুনা মাইপাকখি। সুস্মিতা দেব না ভোট মশিং ৩,৩৬,৪৫১ ফংখি অদুগা কবীন্দ্র পুরকায়স্থনা ভোট মশিং ৩,০১,২১০ ফংখি।

শিলচর লোকসভা ফমগী দমক লম্বা তৌনরিবা মীরেপশিং –

1. সুস্মিতা দেব  – কংগ্রেস
2. ডাঃ রাজদীপ রায়  – বিজেপি
3. শ্যামদেও কুর্মী  – এস ইউ সি আই (কমিউনিস্ট) 
4. নাজিয়া ইয়াসমিন মজুমদার  – এনপিপি
5. হিতব্রত রায় – তৃণমুল কংগ্রেস
6. বদরুল ইসলাম বড়ভুইয়া  – ফোরৱার্দ ব্লোক
7. দিলীপ কুমার   – ইন্দিপেন্দেন্ট 
8.  শুভদীপ দত্ত  – ইন্দিপেন্দেন্ট 
9. নজমুল হক লস্কর  – ইন্দিপেন্দেন্ট 
10. মহেন্দ্র চন্দ্র দাস  – ইন্দিপেন্দেন্ট 
11. শুভেন্দু দাস  – ইন্দিপেন্দেন্ট 
12. অশীতাভ দত্ত  – ইন্দিপেন্দেন্ট 
13. আশুতোষ ভট্টাচার্য  – ইন্দিপেন্দেন্ট 
14. পূর্ণলাল গোৱালা  – ইন্দিপেন্দেন্ট