বরাক তম্পাক্কী
খোমজিনবা পাউ খরা
২৮-০৬-২০১৮
ইউ জি সি গী মহুত্তা অনৌবা কমিসন অমা শেমগদৌরি।
⧭⧪➤ অৱাংবা থক্কী মহৈমশিংগী লমদা য়াম্না চাওনা অহোংবা পুরক্নবগী পান্দমদা কেন্দ্র সরকারনা ইউনিভার্সিতি গ্রান্ট কমিসন(ইউ.জি.সি.) গী মহুত্তা অনৌবা কমিসন অমা শেম্গদৌরি। ১৯৫৬ দগী চৎনদুনা লাকখিবা ইউজিসি এক্ট অসি মপুঙ ওইনা লৌথোক্লগা হায়ার এদুকেসন কমিসন অফ ইন্দিয়া (অইচ.ই.সি. আই) হায়না মীংথোনগদবা কমিসন অমা থৌরাং তৌরি। (www.lakhipuronline.in)
বিজেপীনা এজিপী অমসুং বোড়োলেন্দ পিপলস্ ফ্রন্ট কা পুন্না চৎমিন্নখিগনি।
⧭⧪➤ হন্দক্কী লোকসভা মীখলদা অসম গণ পরিষদ অমসুং বোড়োলেন্দ পিপলস্ ফ্রন্ট গা পুন্না চৎমিন্নখিগনি হায়না আসাম রাজ্যগী বিজেপীগী প্রেসিদেন্ট রঞ্জিত কুমার দাসনা হায়না ফোঙদোক্লদুনা দল অহুমগী চুংশিন্নবা কাংবুনা লোকসভা মীখলদা পুন্না থেংনগনি হায়খ্রে। ৱাফম অসি রাজ্য অসিদা এজিপিনা সিটিজেন্সিপ এমেন্দমেন্ট এক্ট চৎনবা য়ারোই হায়না খোঙজং চংশিল্লকলিবা অসিগী তাল্লক্তা ফোঙদোরকখিবনি। অদুম ওইনমক লাক্লিবা পঞ্চায়েতকী মীখলগী মতাংদদি দল অহুম অসি পুন্না চৎমিন্নগদ্রা হায়বগী মতাংদদি কমিতি অমনা য়েংশিনগনি হায়না মহাক্না মখা তানা ফোঙদোকখি ।(www.lakhipuronline.in)
ঈশিং ইচাউগী মরক্কী তেংবাং ওইনা কেন্দ্রনা আসামদা লুপা কোতি ৩৪০ পীরক্লে।
⧭⧪➤ আসামগী ঈশিং ইচাউগী মরক্কী তেংবাং ওইনা কেন্দ্রনা লুপা কোতি ৩৪০ পীরক্লে। লুপা কোতি ১০১ না দোনর মন্ত্রনালয়না অদুগা অতোপ্পা লুপা কোতি ২৩৯ না গৃহ মন্ত্রনালয়না পীবনি হায়না গুৱাহাতিদা পাউমীশিংদা দোনর মন্ত্রী ডাঃ জিতেন্দ্র সিংনা হায়খি। । (www.lakhipuronline.in)
বরাক তুরেলগী ঈমায় খুদোং থিবা লৈইগী মথক্তা চেল্লবা য়াই ।
বরাক তুরেলগী ঈমায় খুদোং থিবা লৈইগী মথক্তা চেল্লবা য়াই ।
⧭⧪➤ লাক্লিবা চয়োল অসিদা আসাম, মেঘালয়, নাগালেন্দ, মনিপুর, মিজোরাম, ত্রিপুরা, গুজরাত, নোংচুপ বেঙ্গল, কর্নাতকাগী সমুদ্র খোংবাল, গোৱাগী কোঙ্কান অসিনা চীংবা লৈবাক অসিগী মফম কয়াদা অকনবা নোং চুগনি হায়না ইন্দিয়ান মেতিওরোলিজিকেল দিপার্টমেন্টকী মাইগৈদগী ফোঙদোকখ্রে। অসোমদা কেন্দ্রগী ৱাটর রিসোর্সেস্ না বরাক তুরেল অমসুং মসিগী মছাতুরেলশিংগী ঈমাই খুদোংথিবা লৈইগী মথক্তা চেল্লবা হায়নসু ফোঙদোকখ্রে। মরম অদুনা তুরেলগী নাক-য়েত্তা লৈরিবা মীয়াম্না চেকশিন্না লৈনবা খঙহনখ্রে। (www.lakhipuronline.in)
ফিফা ৱার্ল্দ কাপ ২০১৮
ফিফা ৱার্ল্দ কাপ ২০১৮
⧭⧪➤ রাসিয়াদা চৎথরিবা ফিফা ৱার্লদ কাপতা লৈবাক ১২ রাউন্দ অফ সিক্সতিনগী স্তেজতা (প্রি-ক্বাটর ফাইনেল) চংখ্রে। ঙসি শান্নগদৌরিবা গ্রুপ ঐইচ অমসুং গ্রুপ জিগী মেচশিংদা মায়পাক্লবশিং স্টেজ অসিদা চংলগা গরউপ রাউন্দ শান্নবা ঙসি লোয়রগনি।
ঙসি নুমিদাং পুং ৭-৩০ দা গ্রুপ ঐইচ কী মেচ অনিদা সেনেগল গা কলম্বিয়া অদুগা জাপান গা পোলেন্দ গা শান্নগনি। নুমিদাং পুং ১১-৩০ দা গ্রুপ জি গী মেচ অনিদা পানামা অমসুং তুনিসিয়া অদুগা ইংলেন্দ অমসুং বেলজিয়াম শান্নগনি।
রাউন্দ সিক্সতিনদা থা অসিগী ৩০ নুমিদাং পুং ৭-৩০ দা ফ্রান্সকা আর্জেন্তিনাগা, নুমিদাং পুং ১১-৩০ দা উরুগুৱেগা পোর্তুগালগা শান্নগনি। জুলাইগী তাং ১দা স্পেইনগা রাসিয়াগা অমসুং ক্রোয়েসিয়াগা দেনমার্ককা শান্নগনি। জুলাই তাং ২ দা ব্রাজিল অমসুং মেক্সিকো শান্নগনি।
ঙরাংগী মেচশিংদা নুমিদাং পুং ৭-৩০ দা গ্রুপ এফ কী মেচশিংদা সুইদেননা মেক্সিকোবু পাঞ্জল ৩ – ০ দা অদুগা কোরিয়া রিপাব্লিকনা জর্মানিবু ২ – ০ দা থোইখ্রে। অসোমদা নুমিদাং পুং ১১-৩০ দা গ্রুপ ই গী মেচ অনিদা সুইজারলেন্দ অমসুং কোস্টারিকা পাঞ্জল ২ – ২ দা দ্রো অদুগা ব্রাজিলনা সর্বিয়াবু ২ – ০ দা থোইখ্রে। (www.lakhipuronline.in)
ঙসি নুমিদাং পুং ৭-৩০ দা গ্রুপ ঐইচ কী মেচ অনিদা সেনেগল গা কলম্বিয়া অদুগা জাপান গা পোলেন্দ গা শান্নগনি। নুমিদাং পুং ১১-৩০ দা গ্রুপ জি গী মেচ অনিদা পানামা অমসুং তুনিসিয়া অদুগা ইংলেন্দ অমসুং বেলজিয়াম শান্নগনি।
রাউন্দ সিক্সতিনদা থা অসিগী ৩০ নুমিদাং পুং ৭-৩০ দা ফ্রান্সকা আর্জেন্তিনাগা, নুমিদাং পুং ১১-৩০ দা উরুগুৱেগা পোর্তুগালগা শান্নগনি। জুলাইগী তাং ১দা স্পেইনগা রাসিয়াগা অমসুং ক্রোয়েসিয়াগা দেনমার্ককা শান্নগনি। জুলাই তাং ২ দা ব্রাজিল অমসুং মেক্সিকো শান্নগনি।
ঙরাংগী মেচশিংদা নুমিদাং পুং ৭-৩০ দা গ্রুপ এফ কী মেচশিংদা সুইদেননা মেক্সিকোবু পাঞ্জল ৩ – ০ দা অদুগা কোরিয়া রিপাব্লিকনা জর্মানিবু ২ – ০ দা থোইখ্রে। অসোমদা নুমিদাং পুং ১১-৩০ দা গ্রুপ ই গী মেচ অনিদা সুইজারলেন্দ অমসুং কোস্টারিকা পাঞ্জল ২ – ২ দা দ্রো অদুগা ব্রাজিলনা সর্বিয়াবু ২ – ০ দা থোইখ্রে। (www.lakhipuronline.in)
Pao sing asi ga loinana atei e-pao gi damak
Lakhipuronline android app install toubiyu CLICK HERE