লখিপুরওনলাইন ডিজিতেল ডেস্কঃ কেরিয়ার এন্ড কাউন্সেলিং সেল, আইকিউএসি নেহেরু কলেজ পোয়লাপুলনা শিন্দুনা খিতিস চন্দ্র দাস মেমোরিয়েল লেকচার নীংশিং থৌরম ওইনা কেরিয়ার গাইডেন্স ফর কম্পিটিটিভ একএকজামিনেশন হায়বা হীরমদা নোংমগী ওইবা থৌরম অমা কলেজ অসিগী অডিটোরিয়াম হোলদা হৌখিবা লৈবাকপোকপা নুমিত্তা পাঙথোকখ্রে, থৌরমদা কিশান চোরৈ এ সি এস এক্সিকিউটিভ ম্যাজিস্ট্রেট হাইলাকান্দি লোয়ননা পিডব্লিউডি ডিপার্টমেন্টকী অ্যাসিস্ট্যান্ট অ্যাকাউন্টেন্ট ওইনা থৌ পুবিরিবী ও অনিন্দিতা না ৱাঙাংলোয় ওইনা শরুক য়াখি।
কলেজ অসিগী প্রিন্সিপাল দা সুভজিত চক্রবর্তিনা ময়ায় তাংবল লৌখিবা থৌরমসিদা কেরিয়ার এন্ড কাউন্সেলিং সেলগী কনভেনর ওইরিবী অ্যাসিস্ট্যান্ট প্রফেসর দা এস মেরিনা না তরামনা ওকপগী ৱারোল থমখি। কলেজ অসিগী সিনিয়র প্রফেসরসিং দা লাইশ্রম ভারতি ঐইচওদি ডিপার্টমেন্ট অফ ইংলিশ অমদি দা মধুমিতা দাস আইকিউএসি কোঅর্ডিনেটর ঐইচওদি ডিপার্টমেন্ট অফ হিস্ট্রি মখোয় অনিসু নুমিতসিগা মরী লৈননা ৱা ঙাংখি। থৌরমদা লেঙবিরকখিবা সিভিল সার্ভিসকী অফিসার অনি অমদি কলেজকী প্রিন্সিপালনা মহৈরোয়শিংদা কান্নরবা ৱাফম কয়া থম্বীরমখি। অ্যাসিস্ট্যান্ট প্রফেসর হিরোলসবর্গ রোংফরনা থাগৎ ৱারোল পীরবা মতুং থৌরম অদু চীংলেমনা লোয়শিনখি।