অল আসাম মনিপুরী স্টুদেন্টস্ ইউনিওন (আমসু) গী ২৭শুবা চহীগী মীফম লাকলিবা মার্চকী তাং ৩১ অমসুং এপ্রিলগী তাং ১ দা নুমিৎ নিনি চুপ্না কাছার জিলাগী লখিপুর সাব-দিবিজনগী মনুং চনবদা লৈরিবা বিন্নাকান্দি পার্ট-২গী সাউথ বরাক রুরেল দেভেলপমেন্ট কমপ্লেক্সতা পাঙথোক্লগনি। মাঙলমচৎতগী মহৈরোই খুন্নাই অসিগী য়াইফনবগীতা খন্দুনা লাক্লবা লূপ অসিনা ঙসি ফাওবা থৌগল কয়ামরুম পাঙথোকতুনা আমসুগী লীক্লম কায়হন্দবগা লোয়ননা ইরৈচা কয়াগী য়াথং অমদি পাউখোলশিংবু হিক্তোকপা তৌদনা ঙসিসু অদুম্মক পাঙথোকপা ঙম্নবা হোৎনরি। আসামদা খুন্দাদুনা লৈরিবা মনিপুরী মহৈরোইশিংগী মরক্তা অমত্তা ঙাইরবা মহৈরোই লূপ অসিনা ইং কুমজা ১৯৭৮ দা শাফোংলকখিবগী চহী ৪০ (নিফু) শুরকপগা লোয়ননা নুমিৎ নিনি চুপ্না পাঙথোক্কদৌরিবা থৌরম অসিদা মীয়াম্না শরুক য়াবিদুনা থৌরম অসিবু মহৈ য়ালহনবিউ হায়না আমসুগী মাইগৈদগী ফোঙদোরকলি।
লখিপুরওনলাইন গী ফেসবুক পেজ লাইক তৌবিউ।