লখিপুরওনলাইন নিউজ দেস্কঃ- আসামদা জুনগী তাং ৭ তগী হৌরগা তপ্না তপ্না ওনলোক তৌরক্লবা য়াই। অদুম ওইনমক জুনগী তাং ১৫ ফাওবদি মপুং ফানা অথীংবশিং লৌথোক্লোই হায়বগী ৱাফম মুখ্যমন্ত্রী দা হিমন্ত বিশ্ব শর্মানা ফোঙদোকখ্রে।
কোভিদ লায়চৎ অসিনা মরম ওইরগা মমা মপা লৈখিদ্রবা অঙাংশিংদা মুখ্যমন্ত্রী সিসু সেবা স্কীমগী মখাদা থাগী লুপা লিশিং অহুম মখায় তৌদুনা শেলগী তেংবাং পীরগনি। চহী ১০ মখাগী অঙাংশিংনা সরকারগী চাইল্দ কেয়ার ইন্সতিতিউততা লৈহন্দুনা লাইরিক লাইশু তমহনগনি। লাইচৎ অসিনা মমা মপা লৈখিদ্রবী নুপীমচাশিংবুনা কস্তুর্বা গান্ধী বালিকা বিদ্যালয়দা থমদুনা লাইরিক লাইশু তমহনগনি। অদুগা কোভিদকী লায়চৎ অসিনা মরম ওইরগা মমা মপা লৈখিদ্রবী লুহোংবগী চহী মতাং শুরবী নুপীমচাশিংদনা অরুন্ধতি গোল্দ স্কীমগী মখাদা সনা তোলা অমগা লুপা লিশিং ৫০ গা পীগনি হায়না মুখ্যমন্ত্রীনা মখা তানা ফোঙদোকখি।