লখিপুরওনলাইন দিজিতেল দেস্কঃ খৃকুমজা ১৮৯১ দা শোক্নখিবা এংলো মনিপুর ৱারদা মতম অদুগী মৈতৈ ইপু ইপুশিংনা মরৈবাক মজাতিগীদমক থৱায়না পোন্থা পীখিবা নুমিৎ মালেমদা ঙসি ফাওবা নিংশিংনরি। বৃটিসকী মায়োক্তা লাল হৌই হায়দুনা মনিপুরগী য়ুবরাজ তিকেন্দ্রজিৎ অমসুং থাঙ্গাল জেনরেলবু ফারগা আগস্ত ১৩ গী য়াচংলকপা মতমদা মতমদুগী ফৈদাপুঙ হৌজিক্না বীর তিকেন্দ্রজিৎ পার্ক হায়না খঙনরিবা মফম অসিমক্তদা ফাসি তৌদুনা হাৎখি। মরৈবাক্কী নীংতম্বা হনজিন্নবগী লানফমদা থৱায়না পোন্থা পীখিবা নুমিৎ অসিবু নিংশিংদুনা ঙসি আগস্তকী ১৩ মনিপুর অমসুং মপানমনিপুরগী মফম মফমদা অথৌবশিংগী নুমিৎ হায়দুনা থৌরম পাঙথোক্নরি। বরাক তম্পাক্কী মফম মফমদসু ঙসি অথৌবশিংগী মফমদা হৈকৎ লৈকৎ তমলি।
হায়নবা লৈ “নুংশিনৌ চান্নৌ
লিংজেল মান্নরিবমখৈ
মালেমগী শক্তি অমত্তনা
লাকচ খুদুম চনবা ঙমলোই”