Lakhipuronline Digital Desk: মীতৈ পুকৈ লূপ অমসুং অথৌবা নীংশিংলূপ অনিনা থোকচোম কৃষ্ণধন না ইখঙ খঙহৌদনা লৈখিদবদা অৱাবা ফোঙদোকখ্রে। আসাম ফোরেস্ত দিপার্তমেন্তা দেপুতি রেনজর ওইনা থবক্তকী পোত্থাখিবা লোয়ননা মীতৈ পুকৈ লূপকী প্রেসিদেন্ট ওইবিরম্বা অমদি অথৌবা নীংশিংলূপকীসু এদভাইজর ওইনা থৌ পুবিরম্বা কোনজেংলৈকায়গী থোকচোম কৃষ্ণধন হৌখিবা নভেম্বরগী ১৮ দা লৈখিদবনি। লৈখিদবা মতমদা মসাগী চহী ৭৮ সুখ্রে। নভেম্বরগী ২২ য়ুমশাকৈসা নুমিত্তা মনিপুরী গেস্ত হাউস কোনজেংলৈকায় কাছারদা পাঙথোকখিবা অৱাবা ফোঙদোকপগী মীফমদা অশাংবম গৌরগোপাল, লুক্রাম মহিন্দ্র, সাপম রোবিন্দ্র, ইঙুদম নীলবীর, লৈশুংবম রোবিন্দ্র, মুতুম রীনা অমদি সেক্রেটরী মাইবম মনিধননা লৈখিদ্রবা ওজা অসিনা হীংলিঙৈদা পাঙথোক্লম্বা থবক থৌরমসিং পল্লদূনা ৱা ঙাংখি।
মহাক্না লৈখিদবদা মীফমনা মিনিত ২ তুমিন্না লৈদূনা লৈখিদ্রবগী থৱায়না তায়বঙ মপুগী নাক্তা ইংনা চীক্না লৈরুনবা থৌনিজখি। দাইসতা লেঙশিনখিবা এক্স প্রেসিদেন্ট য়ুম্নাম মনি, প্রেসিদিয়াম মেম্বর আর কে সনাহল প্রেসিদেন্ট অথৌবা নীংশিংলূপ, ৱাই নদিয়াচান্দ প্রেসিদেন্ট মীতৈ পুকৈলূপ নচীংবা মীওইসিংনসু লৈখিদ্রবগী মরমদা মীয়ামদা পাউদমখি।
অৱাবা ফোঙদোকপগী থৌরমসিদা এস চন্দ্রমোহন, এস গৌরবাবু, এল মনিহার, ই গৌরমনি, বি মনিকান্ত সর্মা, গীতু দেবী, সিঐইচ মোহোন, এল নন্দমোহোন, নচিংবা মীওইসিংসু শরুক য়াখিবগা লোয়ননা লৈখিদ্রবগী য়ুমদা চত্তুনা ইমুং মনুংগী অৱাবদা শরুক য়ামিনন্নখি হায়রি।