মেঘালোয়দগী শিলচর তম্না লাকপা গারী অমা লোকখাদা ওন্থবদা ১ শিরে, ২৩ শোকলে।

মেঘালোয়গী উমতিয়ারাদগী  শিলচর তম্না লাকপগী লম্বীদা বিএসএফ পুদুনা লাকখিবা গারী অমা লোকখাদা ওন্থবদা ২৩ শোকলে। থৌদোক অদু ওক্টোবরগী ৩০, ২০১৯ য়ুমশাকৈশা নুমিৎকী নুংথিলদা জাগিরোদতগী শিলচর লাকপগী লম্বীদা থোকখিবনি। বাস গারী অদু খঙহৌদনা লম্বীদগী লোকখাদা ওন্থখিবদগী থৌদোকফমদা গারীগী হেন্দিমেন শিখি। অশোকপশিং অদুগী মনুংদা জৱান ১০গী ফিভম লুনা লৈ হায়রি। অশোকপশিং অদু মনাক নকপদা লৈবা শিলোংগী নৈগ্রীমস্ হোসপিতালদা লায়কন্নখি। গারী অদুদা দ্রাইভর য়াওনা মীওই ২৫ তোংলকখিবনি হায়রি।