লখিপুরওনলাইন নিউজ দেস্কঃ- সিবিএসই না লৌবা ক্লাস তুৱেলবকী পরিক্ষা কেন্সেল তৌখ্রে। প্রধান মন্ত্রী নরেন্দ্র মোদিনা কেন্দ্রগী মন্ত্রী, কেবিনেত সেক্রেটরী অমসুং অতৈ স্তেকহোল্দরশিংনা য়াওনা জুনগী তাং ১ দা পাঙথোকখিবা মীফম অমদা ৱারেপ অসি লৌখিবনি। মখোয়গী তুংগী পুন্সিগী দমক মহৈরোইশিংগী হকশেল অমসুং মখোয়বু ঙাকশেনবা হায়বসি তৌদবা য়াদবনি হায়বা ৱাফম প্রধান মন্ত্রীনা ফোঙদোকখি। সেন্ত্রেল বোর্দ অফ সেকেন্দরী ইজুকেসন সিবিএসই গী কন্ত্রোলর অফ একজামিনেসন্সনা মতুংদা থোকখিবা চেরোল অমদা কোবিদকী ফিভম অসিনা ফরক্লবা মতমদা কনাগুম্বা মহৈরোইশিংনা পরিক্ষা অসি থানিংবা লৈরগসু থাবগী খুদোংচাবা পীগনি হায়বগী ৱাফম ফোঙদোকখি।