লখিপুরওনলাইন নিউজ দেস্কঃ- আসাম লৈঙাকনা অনৌবা এসওপি পুথোকখ্রে। অনৌবা চৎন পথাপ অসিগী মতুং ইন্না কার্ফিউ মতম নুংথিলগী পুং ১ দগী অয়ুক্কী পুং ৫ ফাওবা ওইরে। দুকান অমসুং লল্লোন ইতিক্কী মফমশিং নুমিৎ য়ুংবা পুং ১২ ফাওবা হাংবা য়াগনি। অনৌবা এসওপি অসি জুনগী তাং ৬ নোংমাইজিংদগী রুরেল অমসুং আর্বান এরিয়াদা চপ মান্ননা চৎনবা হৌরগনি। অদুগা মখাতানা লাউথোকত্রিফাওবা জুনগী তাং ১৬ কী অয়ুক্কী পুং ৫ ফাওবা অথিংবশিং অসি লৈখিগনি হায়রি। আসাম লৈঙাক্কী দিজাস্তর মেনেজমেন্ত ওথোরিতিনা জুনগী তাং ৪ থোকখিবা অনৌবা চৎন পথাপ অসিনা হন্দকতি খুঙ্গং অমসুং সহরগী মফমসিংদা চপ মান্ননা নুমিৎ য়ুংবা পুং ১২ দগী দুকান অমসুং ললোন ইতিক্কী মফমশিং থোং লোনগদবনি। কার্ফিউগী মতমনা নুংথিলগী পুং ১ দগী হৌরগা অয়ুক্কী পুং ৫ ফাওবনি। জিলা অমদগী জিলা অমদা ট্রান্সপোর্ত সার্বিসকী অথীংবা লৈরম্বা অদু মখা তানা অদুমক লৈখিগনি। অদুগা গারীগী ইভেন ওদকী মতাংদা হান্না লৈরম্বা চৎনবী অদুসু লৈখিগনি হায়না চেরোল অসিদা হায়রি।
