আমেরিকাগী ভাইস প্রসিদেন্ত জেডি ভান্স অমদি মহাক্কী নুপী উষা চিলুকুরি ভান্স নুমিৎ ৪ নিগী খোঙচৎতা ভারত্তা থুংলখ্রে
আমেরিকাগী Ohio রাজ্যগী Senator অমসুং রিপাব্লিকান পার্টীগী মরুওইবা লুচিংবা য়ু.এস. ভাইস প্রেসিডেন্ট জে.ডি. ভান্স (JD Vance) মহাক্কী নুপী অঙাংশিংগা লোয়ননা নুমিৎ মরিনি (এপ্রিল ২১ - ২৪)গী ওইবা ভারতকী খোংচৎতা ঙসি নিউদিল্লিদা থুংখ্রে। খোংচৎ অসি অখন্ননা ভান্সকী নুপী উষা চিলুকুরি ভান্স (Usha Chilukuri Vance) কী হৌরকফমগা মরী লৈননা মহাক্কী অঙাংশিংবু শক্তাকপীনবগী পান্দমদসু থৌরাং তৌরিবনি। খোংচৎ অসিনা মরুওইনা রাজস্থানগী নীংথিরবা শহর জয়পুর (Jaipur) অমসুং উত্তর প্রদেশতা লৈবা ঐতিহাসিক শহর আগ্রা (Agra)দসু চৎকনি। মসিগী খোংচৎ অসি লৈবাক্কী ওইবা থবক নত্ত্রগা রাজনিতীগী ওইবা ৱাফমশিং লৈরবসু মপুং ফানা ইমুং মনুংগী ওইবা খোংচৎ অমসুনি ।
খোংচৎকী পান্দম অমসুং অহানবা মিৎয়েংঃ
জে.ডি. ভান্সনা ভারতগীকী খোংচৎ অসিগী মরুওইবা পান্দমদি মহাক্কী অঙাংশিং অদু মমাগী হৌরকফম অমসুং লমদম অসিগী চৎনবী, নাৎ অমসুং পুৱারীগা মরী লৈনহন্নবনি। ভান্সকী নুপী উষা ভান্স কী মমা-মপা ভারত্তগী হোংখিবনি।
উষা চিলুকুরি ভান্সকী (Usha Chilukuri Vance) কী মমা-মপা, এস. আর. চিলুকুরি (S.R. Chilukuri) অমসুং লক্ষ্মী চিলুকুরি (Lakshmi Chilukuri) নোংচুপ ভারত্তগী অমেরিকাদা অনৌবা পুন্সি অমা ২০০৮ দগী হৌখিবগা লোয়ননা Californiaগী San Diego দা লৈখি। মখোয়না মখোয়গী মচানুপী উষাবু মহৈ মশিংদা পুক্নিং থৌগৎখি অমসুং ভারতকী নাৎকী মগুনশিং অদুসু তমবিখি, মসিনা উষাগী পুন্সিদা লৈবাক অনিগী নাৎপু মান্ননা ইকাই খুম্নবা শেমগৎপদা মতেং পাংখি।
USতা পোকপা অমসুং হৌরকপা উষানা মহৈদা পুকনিং চংনা হোৎনখি। মহাক Yale Universityদগী মহাক্কী অহানবা ডিগ্রি ফংখি, মতুংদা University of Cambridgeদগী Historyদা MPhil লোইশিনখি। মহাক্না Yale Law Schoolদা হঞ্জিল্লক্তুনা Juris Doctor (JD) ডিগ্রি ফংখি, মসি অমেরিকাগী খ্বাইদগী ইকাই খুম্নজবা আইনগী মহৈরোয়শিংগী ইন্সটিটিউটশিংগী মনুংদা অমনি। মফম অদুদা মহাক্না মহাক্কী মপুরোইবা ওইরিবা জে.ডি. ভান্সকা ২০১০ দা থেংনখি।
লো স্কুল লোইরবা মতুং, উষানা Munger, Tolles & Olson LLP গুম্বা ইকাই খুম্ননিঙাই ওইরবা লো ফার্মশিংদা থবক তৌদুনা আইনগী লমদা মায় পাকপা কেরিয়ার অমা শেমগৎখি। মহাক্না ২০১৪দা জে.ডি. ভান্সকা লুহোংখি। মখোয়গী হৌজিক অঙাং অহুম লৈরে: মচানুপা ইৱান (Ewan) অমসুং ভিভেক (Vivek), অমসুং মচানুপী মিরাবেল (Mirabel)।
চৎকদৌরিবা থৌরাং: জয়পুর অমসুং আগ্রা
জয়পুর (Jaipur): 'পিং সিটি' (Pink City) হায়না খঙনরিবা জয়পুর অসি রাজস্থানগী কোনুংনি অমসুং মসিগী নীংথিরবা অরিবা বিল্ডিং (architecture), ফজরবা ফোর্টশিং (forts) অমসুং (palaces) মালেম শিনবা থুংনা খঙনৈ। রাজপুতগী নিংথৌশিংগী থৌনাফবা পুৱারী অমসুং মফমদুগী চৎনবীশিং খঙনবদা মতেং পাংগনি।
আগ্রা (Agra): ভান্স ইমুংগী অনিশুবা থুংফমদি মোগলগী পুৱারী লৈরবা শহর আগ্রা দনি। মফম অসিদা খ্বাইদগী হেন্না মালেম শিনবা থুংনা খঙনরবা তাজ মহল (Taj Mahal) লৈরি।
উষা ভান্সকী মমা মপা
উষা ভান্সকী মমা মোলিক্যুলার বাইওলোজিস্ট নি, অদুগা মহাক্কী মপা না মেকানিকেল ইঞ্জিনিয়ার নি। উষা ভান্সকী মপা অমসুং মবুধৌ অনীমক ইন্দিয়ন ইন্সতিতিউট ওফ তেক্নোলোজি (আই.আই.তি.) দা তমখি অমসুং তম্বী তাকপীবগী থবকসু তৌরম্মী। ইমুং অদু অহানবদা অন্ধ্র প্রদেশতা লৈবা ভাদ্দুরু কৌবা খুঙ্গং অমদগীনি, অদুবু ১৯৫৯ দা মফম অদুদা লৈবা আই.আই.তি. শেমগৎলকপা মতমদা উষা ভান্সকী মপাবুং, রামাসাস্ত্রি চিলুকুরিনা মফম অদুদা ফিজিক্স অজা ওইনবা চৎখিবা মতমদা চেন্নাইদা হোংখি। উষা ভান্সকী মমা-মপা ১৯৭০গী অরোইবা শরুকতা অন্ধ্র প্রদেশতগী য়ুনাইতেদ স্তেটস্তা হোংখি।
জে.ডি. ভান্সকী খোংচৎ অসিগী মরুওইবা পান্দম
য়ু.এস. ভাইস্ প্রসিদেন্ত জে.দি. ভান্সনা মহাক্কী ইমুং-মনুংগা লোয়ননা ভারত খোংচৎ অসিগী মরুওইবা পান্দমদি ইন্দিয়া অমসুং য়ু.এস.কী মরক্তা লৈরিবা কম্প্রিহেন্সিভ গ্লোবল স্ত্রেতেজিক পার্তনরশিপ অদু মপাঙ্গল কনখৎহনবনি। মহাক্না প্রাইম মিনিস্তর নরেন্দ্র মোদীগা উনদুনা লৈবাক অনীগী মরক্তা ললোন-ইতিক্কী য়ান্নচে অমা খুৎয়েক পীনবা, শেন্মিৎলোন্দা তেংবাংনবা, অমসুং তেক্নোলোজি মতাংদা ৱারী শান্নগনি।
লোইশিন ৱাহৈঃ
য়ু.এস. ভাইস প্রেসিডেন্ট জে.ডি. ভান্স কী হন্দককী খোংচৎ অসিনা লৈবাক অনিগী মরক্তা লৈনবা মরী চেৎশিনহনবা অমসুং লল্লোন ইতিক্কী ওইবা ৱারেপ অমা লৌনবগী খোঙথাংনি। ভান্সনা প্রাইম মিনিস্তর নরেন্দ্র মোদীগা উনদুনা হীরমসিং অসিগী মতাং ৱারী সান্নগদৌরি। মসিগীসু মথক্তা, ইন্দিয়ান প্রোফেস্নেলশিংদা, মরু ওইনা ঐচ-১বি ভিজা পাইরিবশিংদা চৎনবা ইমিগ্রেশন পোলিসী গী মতাংদা অমসুং আমেরিকা অমসুং ভারতকী মরক্তা তৌনরিবা তারীফকী (tariff) চয়েৎনবা অসিগী মতাংদসু খন্নরবা য়ানা লৈরি। লোয়ননা চহী অসিগী অরোইবদা পাঙথোক্কদৌরিবা ক্বাদ সম্মিৎকীদমক প্রেসিডেন্ট ত্রম্পনা লাকপগী থৌরাং তৌবগী সরুক অমসুনি হায়বা য়াই।
