ভারত্তা অহানবা ওইনা, মু্ম্বাই-মনমাড পঞ্চবটী এক্সপ্রেসনা ত্রেন মনুংদা এটিএম (ATM) থম্লবা অহানবা ত্রেন ওইরে।
এটিএম (ATM) অসি ত্রেনগী এয়র-কন্ডিশন্ড কোচ অমদা থম্লি অমসুং মায় পাক্না trial run লোইশিনখ্রে।
মেছিন অসিনা পেসেঞ্জরশিংদা ত্রেন চতলিঙৈ ওইরবসু শেল উইথড্র তৌবগী খুদোংচাবা পী। মসি ইন্ডিয়ান রেলৱেজগী ইনোভেটিভ এণ্ড নন-ফেয়ার রেভিনিউ আইডিয়াজ স্কীম (INFRIS)গী শরুক অমা ওইনা হৌদোকখিবনি।
থৌরাং অসি ইন্ডিয়ান রেলৱেজগী ভুসাৱাল দিভিজন অমসুং বেঙ্ক ওফ মহারাষ্ট্রনা পুনশিন্নদুনা পায়খৎপগী মহৈনি।
রেলৱে ওফিসিয়েলশিংনা হায়খিবদা, ট্রায়াল রান অদু ফজনা চৎখি অমসুং মেছিন অসিনা খোঙচৎ অদুগী মনুংদা অসোই-অঙাম থোকতনা থবক তৌখি।
অদুবু, ইগতপুরী অমসুং কাসারাগী মরক্তা নেত্বর্ককী অৱাবা খরা থোকখি। মফম অসি মোবাইল কনেকটিভিটি শোন্থবনা ওইবনি।
ভুসাৱালগী দিভিজনেল রেলৱে মেনেজর, ইটি পান্ডেনা হায়খি, "রিজল্টশিং ফখি। হৌজিকতি খোঙচৎ চৎলিঙৈদা শেল উইথড্র তৌবা ঙম্লগনি। ঐখোয়না মেছিন অসিগী থবক তৌবা মওং অদু লেপ্তনা য়েংশিন্দুনা লৈগনি।"
পান্ডেনা মখা তানা ফোঙদোকখিবদা, ৱাখল্লোন অসি ভুসাৱাল দিভিজননা শিনখিবা INFRIS মীফম অমদা অহানব পুখৎখিবনি।
এটিএম (ATM) অসি এসি কোচ অমদা থম্লবসু, কোছ ২২ মক সম্নবনা মরম ওইদুনা, পঞ্চবটী এক্সপ্রেসকী পেসেঞ্জরশিংনা কোছ পুম্নমক্তগী মসি শিজিন্নবা য়াগনি।
শেল উইথড্র তৌবতা নত্তনা, পেসেঞ্জরশিংনা এটিএম (ATM) অসি শিজিন্নদুনা চেক বুকশিং ওর্ডার তৌবসু য়াই অমসুং একাউন্ট ষ্টেটমেন্টশিং লৌবসু য়াই।
সেফটিগীদমক, এটিএম (ATM) অদুদা শটর সিষ্টেম অমা হাপ্লি অমসুং নুমিৎ খুদিংগী পুং ২৪ চুপ্পা সিসিটিভি (CCTV) কেমেরাশিংনা য়েংশিল্লি।
রেলৱে ওফিসিয়েলশিংনা হায়খিবদা, মসি পেসেঞ্জরশিংগী মরক্তা পাম্নরক্লবদি সর্ভিস অসি অতৈ ত্রেনশিংদসু পাকথোক-চাউথোকহল্লকপা য়াই হায়রি।
