কাছারগী বিনাকান্দি পার্ট টু দা লৈমরেম্বী ইন্দুপ্রভাগী মীতম অমা মনিপুর এসেম্বলি স্পীকার থোকচোম সত্যব্রতনা মায়খুম হাংদোকখ্রে
কাছারগী বিনাকান্দি পার্ট টু দা লৈমরেম্বী ইন্দুপ্রভাগী মীতম অমা মনিপুর এসেম্বলি স্পীকার থোকচোম সত্যব্রতনা মায়খুম হাংদোকখ্রে
থৌরম অসিগী অয়ুক পুং ৯ তাবদা খাইদেম কান্তা, President, লৈমারেম্বি ইন্দুপ্রভা স্তেচু ইন্সটলেশন কমিটি অমদি নন্দো তেকচম, President, অথৌবশিংগী লিকলম থিবা লুপ, মনিপুর অনিনা সলাই তরেৎকী ফিরাল চিংখৎখি।
অয়ুক্কী মীফমদা খাইদেম কান্তা, President, লৈমরেম্বী ইন্দুপ্রভা স্তেচু ইন্সটলেশন কমিটি অমদি নান্দো তেকচম, President, অথৌবশিংগী লিকলম থিবা লুপ, মনিপুর অনিনা presidium মেম্বর ওইখি অদুগা মনিপুরগী স্পীকার থোকচোম সত্যব্রতনা মীথুংলেন ওইখি, মুতুম রীনা, Chairperson, MDC Assam, গোপাল রোংমৈ Vice Chairman, Barak Valley Hill Tribes Development Council, কোঞ্জেম্বম ওংবি অরুনা দেবী, President, All Assam Manipuri Women Meira Paibi Co Ordination Committee অমদি অতৈ মরু ওইবা মীওই কয়ানা মথং শিতনা ইকায়খুম্নজবা মীথুংশিং ওইনা দাইস্তা ফমখি।
থৌরমগা মরী লৈননা ৱা ঙাংলদুনা মনিপুরগী স্পীকার থোকচোম সত্যব্রতনা লৈমারেম্বি ইন্দুপ্রভা স্তেচু ইন্সটলেশন কমিটি বিনাকান্দি অমদি অথৌবশিংগী লিকলম থিবা লুপ, মনিপুরনা শিনলাংদুনা অসিগুম্বা পুৱারী ওইহৌরগদবা মীতম অমা খিনবিব অসিদা লুপ অনিবু থাগৎপা ফোংদোকখি। খোইরেনদা লৈরিবা লেংওনদবী পাৎ শেমগৎ শাগৎকদবা অসিগীদমক্তসু মহাক্কা ৱাখল মান্নবা কয়া তান্নদুনা মফম অসি শেমগৎনবা অঙম্বা থাক্তা হোৎনগনি হায়খি। মসিগী মতাংদা Assam Govt অমদি Manipur govt অনিদা মিতয়েং চংবীনবসু তান্নরগনি হায়খি। মথং চহিগী চৈরাও চীং কাব অসি লেংওনদবী পাৎতা ওইনা পাংথোক্ননবা মীয়ামনা খন্নরিবা অসি য়েংলগা পায়খৎপা যাবা থবকশিং পায়খৎলগনি হায়না স্পীকারনা কমিটি অমদি মীয়ামদা থাজবা পীরমখি।
তোঙান তোঙানবা ৱাঙাংলোইশিংনা ইন্দুপ্রভাগী মীতম অমা বিনাকান্দিদা খিনবীব অসিদা শিনলাংবীখিবা লুপ অনিবুসু থাগৎপা ফোংদোক্নখি।
থৌরমগী মনুং চন্না লমাই ৫১ পানবা Souvenir অমসু ফোংখি।
থৌরমগী লোইশিল্লকপদা নাৎকী ওইবা জগোই ঈশৈ কয়া পাঙথোক্তুনা থৌরম অদু মাই পাক্না লোয়শিনখি।
